Փաստաթղթում խոսք չկա «վիճելի շրջանների» կամ Հայաստանի կողմից որևէ տարածքի հանձնման մասին. ԱԽ քարտուղարը՝ հայ-ադրբեջանական սահմանի վերաբերյալ փաստաթղթի մասին. ՌԲԿ
ՀՀ Անվտանգության խորհրդի քարտուղար Արմեն Գրիգորյանը РБК գործակալությանը տված հարցազրույցում մանրամասներ է ներկայացրել հայ-ադրբեջանական սահմանի դելիմիտացիայի և դեմարկացիայի վերաբերյալ եռակողմ փաստաթղթի վերաբերյալ:
«Ինչ վերաբերում է փաստաթղթին, ապա խոսքը սահմանագծման և սահմանազատման հարցերով երեք առանձին ազգային պատվիրակության ստեղծման, դրանց կազմերի և կայանալիք նիստի ամսաթվի մասին է: Կարևոր եմ համարում արձանագրել հետևյալը. փաստաթղթում հատուկ ընդգծվում է, որ դրանով նախատեսված բոլոր հարցերի պատշաճ կարգավորումը պետք է իրականացվի բացառապես քաղաքական և դիվանագիտական եղանակներով՝ եռակողմ հայտարարության համաձայն: Բնականաբար, վերոնշյալ փաստաթղթում խոսք չկա «վիճելի շրջանների» կամ Հայաստանի կողմից որևէ տարածքի հանձնման մասին»,- մեկնաբանել է Գրիգորյանը:
Վերջինիս խոսքով՝ հայկական կողմը քննարկում է իրավիճակի զարգացման տարբեր հնարավորություններ և սցենարներ: «Հայաստանի Հանրապետությունն ադեկվատ և միևնույն ժամանակ կշռադատված ու պատասխանատու լուծումներ կգտնի իրադարձությունների ցանկացած զարգացման դեպքում»,- ասել է պաշտոնյան՝ ընդգծելով, որ Ադրբեջանի ոստնձգությունը Սյունիքի և Գեղարքունիքի սահմանամերձ շրջանների հանդեպ խախտում է 2020 թվականի նոյեմբերի 9-ի և 2021 թվականի հունվարի 11-ի եռակողմ հայտարարությունները:
«Կարծում ենք, որ Հայաստանի Հանրապետության ինքնիշխան տարածքից ադրբեջանական զինված ուժերի ամբողջական դուրսբերման և կարգավորման համար դեռևս բոլոր մեխանիզմները չեն գործարկվել, բոլոր հնարավորությունները սպառված չեն: Գործընթացը շարունակվում է: Մենք բարձր ենք գնահատում Ռուսաստանի Դաշնության ջանքերն այդ ուղղությամբ»,- հավելել է Գրիգորյանը:
Сегодня день рождения Генрика Кочаряна, героически защищавшего границы Родины на подступах к селу Те...
Кому и почему мешает название «Арарат 73»? «Паст»
Вопрос о лишении их сана должен быть решен немедленно: «Паст»
Известные политики и эксперты обсудили новые вызовы безопасности Армении. Новый уникальный интеракти...
«Если ты не можешь защитить границы своей страны — не перекладывай эту проблему на других»: Айк Наап...
«Европа не придёт нас спасать»: Арман Гукасян о реальной политике
Почему Армения молча наблюдает за смертельными страданиями международного права? «Паст»
«Законодательный» «штыковый бой» властей против реальных наблюдателей: «Паст»
Для чего нужны представления с названием «литургия»? «Паст»
В администрации Трампа впервые признали, что иммиграционные агенты, «возможно, нарушили протокол» в ...
