Արամայիս Գրիգորյանը 7 անշարժ գույք և 4 ավտոմեքենա ունի. «Փաստ»

«Փաստ» օրաթերթը գրում է.

Արարատի մարզպետ Արամայիս Գրիգորյանը 7 անշարժ գույք և 4 ավտոմեքենա է հայտարարագրել: Այս մասին տեղեկանում ենք նրա՝ Բարձրաստիճան պաշտոնատար անձանց էթիկայի հանձնաժողով ներկայացրած 2017 թ. պաշտոնը ստանձնելու հայտարարագրից:

Գրիգորյանի 7 անշարժ գույքից երկուսը բնակարան են, մեկը՝ առանձնատուն: Նրան են պատկանում նաև մեկական հասարակական և արտադրական նշանակության շինություններ, հողամաս և բազմամյա տնկի:

Հայտարարագրած ավտոմեքենաներից մեկը բեռնատար է՝ «ZIL MMZ–45021» մակնիշի, մյուս երեքը մարդատար՝ «LEXUS LS 600 HL», «MITSUBISHI PAJERO IO 2.0» և «VAZ 2121» մակնիշների:

Դրամական միջոցները պաշտոնը ստանձնելու պահին՝ փետրվարի 2–ի դրությամբ կազմել են 776 հազար ԱՄՆ դոլար, 300 հազար ռուսական ռուբլի և 961 միլիոն 278 հազար դրամ: Տարեկան եկամուտները կազմել են 76 միլիոն 687 հազար դրամ, որի մեծ մասը՝ 46 միլիոն 133 հազար դրամը հայտնի չէ, թե ինչ եկամուտներ են. դիմացը նշված է միայն այլ եկամուտներ: Տարեկան եկամուտներից 29 միլիոն 819 հազար դրամը շահաբաժինն է, իսկ 734 հազար դրամն էլ՝ այս տարվա հունվարի մեկից մինչև մարզպետ նշանակվելը նախորդ աշխատավայրում ստացած աշխատավարձը:

Սերգեյ Ավետիսյանի բանկային հաշիվներին 260 հազար դոլարից ավելի գումար կա

Կառավարությանն առընթեր քաղաքացիական ավիացիայի վարչության պետ Սերգեյ Ավետիսյանը նախորդ տարի 264 հազար ԱՄՆ դոլար դրամական միջոցներ է ունեցել: Այդ մասին տեղեկանում ենք նրա՝ Բարձրաստիճան պաշտոնատար անձանց էթիկայի հանձնաժողով ներկայացված 2016 թ. տարեկան հայտարարագրից:

Նշենք, որ Ավետիսյանը նախորդ տարվա սկզբին էլ ավելի շատ դրամական միջոցներ է ունեցել: Տարեսկզբին նրա դրամական միջոցները կազմել էին 100 միլիոն դրամ և 70 հազար ԱՄՆ դոլար, տարեվերջին սակայն՝ նվազել 16 միլիոն դրամով:

Քաղավիացիայի վարչության պետի տարեկան եկամուտներն էլ ստացվել են 2 տարբեր աշխատավարձերից և կազմել 5 միլիոն 633 հազար դրամ:

Կինը՝ Աննա Եղիազարյանը, թեև եկամուտներ չի ունեցել, սակայն իր դրամական միջոցները կազմել են 40 հազար ամերիկյան դոլար:

Շարունակությունը` «Փաստ» օրաթերթի այսօրվա համարում