Աղբի մեջ ենք
Կառավարության հերթական նիստին, վարչապետ Կարեն Կարապետյանն անդրադարձել է աղբահանության խնդրին։ Ընդհանրապես վերջին շրջանում վարչապետի «բացահայտումները» խիստ ուշագրավ են։ Իսկ այդ բացահայտումները նա անում է այնպիսի լսարանի առջև, որն էլ առավել է հետաքրքրական դարձնում իրավիճակը։
«Ուղղակի անթույլատրելի վիճակ ա, հանրապետությունով որ պտտվում ես, մեր զբոսաշրջիկների հետ խոսում ես, ամեն ինչ լավ ա, բացի աղբահանությունը»։ Էվրիկա ընկերներ։ Ինչ միտք սփոփիչ։ Պարզվում է, տարրական քարտեզներ չունեցող և թալանչի տաքսիստներով հարուստ Հայաստանում, ամեն ինչ լավ է զբոսաշրջիկների համար ու միայն աղբն է խնդիրը։ Սակայն թեմայից չշեղվենք։ Գանք լսարանին, որտեղ վարչապետը խոսում է աղբահանության խնդիրների մասին։ Լսարանը, ոչ ավել, ոչ պակաս, կառավարությունն է։ Այսինքն ՝ նստածների մի զգալի մասը ոչ միայն օբյեկտների տերեր են, որոնցից և գոյանում է այդ աղբը, այլ նաև սիրում են քեֆ անել Զանգվի ձորում ու բարբարոսության ճիրաններում հասցնել Երևանի մայր գետը։ Սա այն դեպքն է, երբ ասում են գառը գայլին են պահ տվել։ Դարակազմիկ է նաև վարչապետի հանձնարարակը ոստիկանապետին։ Ըստ նրա տրամաբանության, ոստիկանները պետք է հսկեն, որ քաղաքացիները աղբ չթափեն։ Սա միանգամից մի քանի աբսուրդ է բացահայտում։ Հայաստանում ոստիկանությունն այնքան պարապ է, որ բացի կոկա-կոլայի շշեր վերահսկելուց ու «պեչենի-կինդեր» օպերացիայի շրջանակներում երկու պեչենի գողացածին ձերբակալելուց, այլ բանով չի կարող զբաղվել։ Երկրորդ, Երևան քաղաքում, հատկապես կենտրոնի տարածքից դուրս, չկան բավարար աղբամաններ, որպեսզի քաղաքացիները կարողանան օգտվել դրանցից, էլ չենք խոսում մարզային քաղաքների և գյուղերի վիճակի մասին։ Եվ երրորդ, վարչապետը չի անդրադառնում պատճառներին։ Ստացվել է մի վիճակ, որ մենք անընդհատ խոսում ենք հետևանքները վերացնելու մասին, բայց պատճառներին ու իրական մեղավորներին չենք անդրադառնում։ Իսկ ինչպես գիտենք, անպատժելիությունը ծնում է նոր զոհեր։
Հետգրության կարգով հիշեցնենք, որ մեր հարևան Վրաստանում, արդեն գործում է էկո ոստիկանություն։
Ատոմ Ոսկանյան, Armenia24.info
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Армении придётся сделать выбор между ЕС и ЕАЭС: Андрей Климов
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
