Տեսանյութ. Խաչիկ Ասրյան. Հայաստանը մաքրե՛լ թուրքահպատակ Փաշինյան Նիկոլից. Հայտարարություն
Թուրքահպատակ Փաշինյան Նիկոլի կողմից 2018 թվականի մայիսին Հայաստանում իրականացված իշխանազավթումից մեկ ամիս անց՝ Հայաստանում առաջինը հիմնադրված «Հայոց Արծիվներ. Միասնական Հայաստան» կուսակցությունն իր հիմնադիր համագումարում հստակ և բարձրաձայն հայտարարեց, որ դեմ է Հայաստանն ու Հայ ազգը կործանման տանող այլասերված իշխանությանը:
2020 թվականի սեպտեմբերի 19-ին «Հայոց Արծիվներ. Միասնական Հայաստան» կուսակցությունն առաջինն էր, որ Ազատության հրապարակում հանրահավաք կազմակերպեց՝ «Հեռացնե՛նք Նիկոլին, փրկե՛նք Հայաստանը» կարգախոսով: Մեր հետագա գործողություններն, անշուշտ, ուղղված էին լինելու այդ նպատակի շուտափույթ իրականացմանը, եթե չլիներ ադրբեջանաթուրքական 44-օրյա պատերազմն՝ Արցախի և Հայաստանի դեմ: «Հայոց Արծիվներ. Միասնական Հայաստան» կուսակցության «Հայոց Արծիվներ» կամավորական ջոկատն, իմ գլխավորությամբ, պատերազմի սկսվելու հենց հաջորդ օրը մեկնեց Արցախ՝ ռազմաճակատ, և ուղիղ մեկ ամիս կյանքի գնով պաշտպանեց Արցախի Մարտունու շրջանի առաջնագիծը:
Պատերազմի ավարտից հետո՝ մեր կուսակցության առաքելությունը շարունակում է մնալ նույնը. Հայաստանն ազատել թուրքահպատակ ու ազգակործան հողատու Փաշինյան Նիկոլից և Հայաստանը տանել զարգացման ու հզորացման ճանապարհով՝ կառուցելով Ռազմական և Սոցիալական Հայաստան:
Մենք համաձայն ենք Հայաստանում Ազգային Ժողովի արտահերթ ընտրություններ անցկացնելու այս վարչախմբի նախաձեռնությանը, համարելով, որ Ազգային Ժողովի արտահերթ ընտրությունները Հայաստանն այս թուրիմացություն խմբակից ազատելու լեգիտիմ և անցնցում ճանապարհներից մեկն է: Սակայն, անպարտելի դրոշակ ունեցող Սյունիքի վերջին իրադարձությունները ցույց են տալիս, որ, Փաշինյան Նիկոլը, գործի դնելով Հայաստանի իրավապահ մարմինների ներուժը, նպատակ ունի Հայաստանում հաստատել բռնապետության և պետական տեռորի ռեժիմ՝ հասարակությանը պահելով վախի ու սարսափի մթնոլորտում:
Հայաստանի իրավապահ մարմիններին կո՛չ ենք անում չենթարկվել և չկատարել Հայաստանը Թուրքիայի և Ադրբեջանի օգնությամբ կործանող Փաշինյան Նիկոլի ապօրինի հրամանները` միշտ պաշտպանելով Հայաստանի քաղաքացիների սահմանադրական իրավունքները:
Հասկանալով, որ այլևս չի կարողանում մանիպուլացնել հասարակությանը և ամեն տեղ արժանանում է հայ մարդկանց հայհոյանքներին ու հայ մայրերի անեծքին, Փաշինյան Նիկոլը կարող է ընդհանրապես հրաժարվել Ազգային Ժողովի արտահերթ ընտրություններ կազմակերպելու մտադրությունից:
«Հայոց Արծիվներ. Միասնական Հայաստան» կուսակցությունը խստորեն դատապարտո՛ւմ է Հայաստանում իշխանության կողմից պետական տեռորի ու ահաբեկման մթնոլորտ հաստատելու ցանկացած փորձ, և հայտարարո՛ւմ, որ շարունակում է հավատարիմ մնալ Ազգային Ժողովի արտահերթ ընտրությունների միջոցով Հայաստանը թուրքահպատակ Փաշինյան Նիկոլից մաքրելու իր որոշմանը:
Միաժամանակ հայտարարո՛ւմ ենք, որ, Փաշինյան Նիկոլի կողմից Ազգային Ժողովի արտահերթ ընտրությունների հնարավոր չեղարկման դեպքում, ամեն օր՝ 24-ժամա ռեժիմով, Հայաստանի համայնքների, ինչպես նաև Երևանի հրապարակներում շարունակելու ենք մեր կողմից սկսված համաժողովրդական պայքարը՝ «Հեռացնե՛նք Նիկոլին, փրկե՛նք Հայաստանը» կարգախոսով, և, միանշանակ, ավարտին ենք հասցնելու Հայաստանն իր իսկական տիրոջը՝ Հայ ժողովրդին վերադարձնելու՝ ԱՍՏԾՈ կողմից մեզ տրված առաքելությունը:
«Հայոց Արծիվներ. Միասնական Հայաստան» կուսակցության Նախագահ՝ Խաչիկ Ասրյան
Не помогла даже откровенная поддержка ЕС и США: выборы стали также своеобразным референдумом: «Паст»
Политическая месть ценой экономической безопасности: «Паст»
Почему власть сама ставит себя в нелепое положение? «Паст»
Тотальный цифровой контроль над гражданами: власть хочет получить доступ ко всем данным мобильных те...
Почему Аветик Чалабян вновь оказался в центре внимания властей? «Паст»
Россия полностью остановила импорт рыбы из Армении
Выборы также развеяли миф об антироссийских настроениях: «Паст»
Когда любая уступка превращается в отправную точку для новых требований: «Паст»
Пропасть в сфере безопасности и необходимость спасения государственности: предупреждение Аршака Кара...
Помимо всего прочего, это просто бесчеловечно: «Паст»
