Կօգտագործի արդյոք Բայդենը «ցեղասպանություն» բառը․ Անկարան փորձում է հակազդել

Վերջին շրջանում բավական ակտիվացել են Թուրքիայի եւ ԱՄՆ միջեւ դիվանագիտական շփումները։ Լուծման սպասող հարցերի շարքում, ինչպիսիք են С-400-ների խնդիրը , F-35-ների խնդիրը, գյուլենականների խնդիրը, Քրդական բանվորական կուսակցության խնդիրը, կարեւոր կետ է հանդիսանում նաեւ Հայոց Ցեղասպանության հետ կապված հարցերը։ Թուրքիան արդեն հասցրել է Վաշինգտոնին փոխանցել իր դիրքորոշումները։ Ըստ այդմ, Անկարան Վաշինգտոնին հիշեցրել է, որ դատարանի որոշում, որը ստեղծված կլիներ քննելու համար հարցը, ինչպես դա եղել է Ռուանդայի կամ Բոսնիայի ու Հերցեգովինայի պարագայում, չկա։ Անկարան նաեւ հիշեցրել է, որ «ցեղասպանություն» տերմինը առաջացել է 1947 թվականին եւ հետադարձ ուժ ունենալ այն չի կարող։ Անկարան նաեւ հայտարարել է, որ եթե ԱՄՆ-ն ապրիլի քսանչորսին օգտագործի «ցեղասպանություն» բառը, ապա դա կարող է ծանր հարված հասցնել։ Եվ նաեւ Անկարան ասել է, որ եթե ԱՄՆ-ն նման բան անի, ապա Թուրքիան պատասխանելու իրավունք կունենա։