Խաչատրյանի 17-րդ միջազգային մրցույթը կանցկացվի դիրիժորություն մասնագիտությամբ
Հունիսի 6-ին՝ հայ մեծ կոմպոզիտոր Արամ Խաչատրյանի ծննդյան օրը‚ կմեկնարկի նրա անունը կրող միջազգային մրցույթը։ Այն այս տարի կանցկացվի դիրիժորություն մասնագիտությամբ։ Միջազգային երաժշտական այս ստուգատեսի նպատակն է բացահայտել տաղանդաշատ երիտասարդ երաժիշտներին‚ ինչպես նաև աշխարհում է՜լ ավելի հանրայնացնել հայ մեծ կոմպոզիտոր Արամ Խաչատրյանի արվեստը։
Արամ Խաչատրյանի անվան միջազգային մրցույթը երկրորդ անգամ է անցկացվում դիրիժորություն մասնագիտությամբ։ Նախորդը տեղի էր ունեցել 2016 թվականին և մեծ արձագանք էր գտել երաժշտական աշխարհում. նկատենք‚ որ դիրիժորության մրցույթներ աշխարհում շատ չեն անցկացվում։ Միջազգային երաժշտական մրցույթների համաշխարհային ֆեդերացիան‚ հաշվի առնելով խաչատրյանական ստուգատեսի մեծ հեղինակությունն ու նրա դափնեկիրների հետագա հաջողությունները‚ 2015 թվականին թույլատրել է Խաչատրյանի անվան մրցույթի մասնագիտությունների թվում ընդգրկել նաև դիրիժորությունը։
Հունիսի 6-12-ն արդեն 17-րդ անգամ կայանալիք երաժշտական այս խոշորագույն իրադարձությանը կարող են մասնակցել 18-35 տարեկան դիրիժորները՝ անկախ ազգությունից և քաղաքացիությունից: Մրցույթը բաղկացած է լինելու նախընտրական լսումներից (տեսաձայնագրություն) և 2 փուլից: Նախընտրական լսումներից հետո 1-ին փուլին մասնակցելու իրավունք կստանա առավելագույնը 18 մասնակից:
Նախընտրական լսումների փուլը հաղթահարած դիրիժորներն իրենց վարպետությունը կներկայացնեն՝ ղեկավարելով Հայաստանի պետական սիմֆոնիկ նվագախումբը‚ որը մրցույթի պաշտոնական նվագախումբն է։
Մրցույթին մասնակցել ցանկացողները մինչև 2021թ. մայիսի 10-ը մրցույթի մասնակցության հայտը կարող են լրացնել հետևյալ հղմամբ ։
Խաչատրյանի անվան միջազգային մրցույթը համաշխարհային երաժշտական աշխարհում մեծ ճանաչում ունի։ Այն Միջազգային երաժշտական մրցույթների համաշխարհային ֆեդերացիայի (World Federation of International Music Competitions) անդամ է, հայկական միակ մրցույթը, որ արժանացել է նման պատվի և անցկացվում է համաշխարհային այս կառույցի չափորոշիչներով։ Տարեցտարի ընդլայնվում են մրցույթին մասնակցել ցանկացողների թիվն ու աշխարհագրությունը։ Մրցույթն անցկացվում է ՀՀ կրթության‚ գիտության‚ մշակույթի և սպորտի նախարարության աջակցությամբ։
Какой закон, какие урегулирования, кому они нужны? «Паст»
Односторонняя повестка уступок и политика молчания официального Еревана: «Паст»
Не помогла даже откровенная поддержка ЕС и США: выборы стали также своеобразным референдумом: «Паст»
Политическая месть ценой экономической безопасности: «Паст»
Тонкое искусство «кайфаваться» над народом и все «бросить в карман народа»... «Паст»
Почему власть сама ставит себя в нелепое положение? «Паст»
«Фокус» университета Брюсова: объявление о бесплатных местах в последнюю минуту։ «Паст»
Почему Аветик Чалабян вновь оказался в центре внимания властей? «Паст»
Административный суд признал бездействие полиции незаконным
Когда любая уступка превращается в отправную точку для новых требований: «Паст»
