Հմայակ Հովհաննիսյան. «Եթե չհաջողվի կռվացնել «Ելք»–ին ու «Երկիր Ծիրանիին», վարչական ռեսուրսը չի բավարարի Տարոն Մարգարյանի վերընտրությանը». «Փաստ»
«Փաստ» օրաթերթը գրում է.
Երևանի ընտրություններում եթե «Ելք»–ն ու «Երկիր Ծիրանին» համախմբեն իրենց ուժերը և Սերժ Սարգսյանին չհաջողվի հերթական անգամ կռվացնել այս երկու ուժերին, ապա ՀՀԿ վարչական ռեսուրսը չի բավարարի, որ կարողանա հասնել իր նպատակին, և նրանք ստիպված կլինեն նորից ապավինել սոցիալապես ամենածանր վիճակում գտնվող մարդկանց փող բաժանելուն:
Այս մասին «Փաստի» հետ զրույցում ասաց քաղաքագետ Հմայակ Հովհաննիսյանը՝ հավելելով, որ ընտրակաշառք բաժանելու որոշումը կարող է լինել «վերջին պահին»:
Նշենք, որ տեղեկություններ կան, որ ՀՀԿ–ի համար խորհրդարանական ծախսատար ընտրություններից հետո այս ընտրություններում ՀՀԿ–ն չի ուզում գումար ծախսել, այսինքն՝ ընտրակաշառք բաժանել և Տարոն Մարգարյանի վերընտրությունն ուզում է ապահովել միայն վարչական ռեսուրսի միջոցով: Այս դեպքում, սակայն, կարող է հարցականի տակ դրվել Տարոն Մարգարյանի վերընտրությունը:
Ըստ այդմ՝ ընդդիմադիր 2 ուժերին կռվացնելու իշխանության քայլերը, ըստ քաղաքագետ Հմայակ Հովհաննիսյանի, արդեն իսկ տեսանելի են: «Որովհետև արդեն հրապարակային հարթության վրա վիճաբանություններ եղան: Մասնավորապես` «Հայկական ժամանակում» եղան հրապարակումներ, և այդ հրապարակումներին պատասխանեց Զարուհին: Սա իշխանության մարտավարությունն է լինելու՝ հնարավորին չափ խոչընդոտել ընդդիմության համախմբմանը այս ընտրություններին»,– ասաց Հմայակ Հովհաննիսյանը:
Ինչ վերաբերում է հանգամանքին, որ Երևանի ընտրություններին ընդամենը 3 կուսակցություն է մասնակցում ու քաղաքական ուժերը հրաժարվեցին «Երևանի համար» պայքարից, քաղաքագետը նկատեց. «Այն կուսակցությունները, որոնք մասնակցեցին Գյումրիի և Վանաձորի ընտրություններին, չեն մասնակցում այս ընտրություններին, դա բացատրվում է նրանով, որ տեղական ինքնակառավարման ընտրություններին ավաղ քաղաքական ուժերը նայում են որպես միջոցի` արդյունքի հասնելու համապետական, խորհրդարանական ընտրություններում, այլ ոչ թե որպես շատ կարևոր ընտրությունների, որոնք կոչված են տեղական իշխանություն ձևավորելուն:
Երևանի ընտրություններին մասնակցում է ընդամենը 3 կուսակցություն, մինչդեռ գրանցված են 70–ից ավելի կուսակցություններ: Ընդ որում՝ դրանցից մոտ 10–ը մասնակցում էին Գյումրու ու Վանաձորի ընտրություններին, քանի որ այդ ընտրությունները մինչ խորհրդարանական ընտրություններն էին»:
Ըստ նրա՝ մեզանում տեղական ինքնակառավարման մարմինների ընտրությունները դիտվում են որպես միջոց հաջողության հասնելու համապետական ընտրություններում, «այլ ոչ թե որպես քաղաքական լուրջ միջոցառում, որը պետք է հնարավորություն տա տվյալ կուսակցությանը իր ծրագրերն իրականացնել տեղական իշխանության մակարդակով»:
«Սերժ Սարգսյանի կողմից սահմանված հատուկ «լիմիտներով» ծախսելով հսկայական դրամական միջոցներ ԱԺ ընտրություններին, հանրապետականները պայմանավորվել են այս անգամ փող չծախսել ու խնայել: Այնպես որ այս «ընտրությունները» նույնպես դատապարտված են դառնալու չընտրություններ...»,– ասաց քաղաքագետը:
Շարունակությունը` «Փաստ» օրաթերթի այսօրվա համարում:
Обновленный Центр продаж и обслуживания Ucom открылся на улице Саят-Нова 7 в Гюмри
Предатель в одном прав: если народу что-то не нравится, пусть делают революцию. Аршак Карапетян
Ucom представляет специальное предложение «Unity — снова в школу» к новому учебному году
Кто на самом деле предатель. Раскрытие генерала Карапетян
Ответье честно на эти вопросы. Аршак Карапетян
«Юниспорт» примет участие в Лиге чемпионов УЕФА по футзалу
Ucom представляет тарифные планы Green, превращая повседневную связь во вклад в защиту окружающей ср...
Выпускники курса по кибербезопасности приняли участие в программе Ucom «Junior Academy»
