Փաշինյան-ԱԳՆ լարված հարաբերություններ. Իշխանություններին առժամանակ հաջողվել է կանխել դիվանագետների «դեմարշը». «Փաստ»
«Փաստ» թերթը գրում է. «ՀՀ ԶՈՒ ԳՇ կողմից արված հայտարարությունից հետո ՀՀ-ում քաղաքական մթնոլորտը շարունակում է մնալ լարված։ Մենք թերթի նախորդ համարներում տեղեկացրել էինք, որ ներհայաստանյան զարգացումների հետ կապված՝ անհանգիստ մթնոլորտ է տիրում նաև դիվկորպուսում:
Մասնավորաբար, մեր աղբյուրները փոխանցել էին, որ դիվկորպուսի ներկայացուցիչների մեծ մասի համբերության բաժակը լցվել է: Նախատեսվում էր, որ Փաշինյանի հրաժարականի պահանջով են հանդես գալու մի շարք դիվանագետներ, այդ թվում՝ դեսպաններ։ Սակայն իշխանություններին առժամանակ հաջողվել է կանխել այդ «դեմարշը»: Թեմայի հետ կապված «Փաստ» թերթին նոր մանրամասներ են հայտնի դարձել:
Այսպիսով, մեր աղբյուրները փոխանցում են, որ նշյալի մասին տեղեկանալուց հետո Նիկոլ Փաշինյանը նախատեսում է լուրջ փոփոխություններ իրականացնել դեսպանների շարքերում։ Խոսքը մոտ 10 դեսպանի փոփոխության մասին է։ Մեր ունեցած տեղեկության համաձայն, Փաշինյանը բավականին նյարդային է ընդունել դեսպանների կողմից նման վարքագծի դրսևորումը, և գոռգոռոցով հայտարարել է, թե «բոլորին ուղարկելու եմ գրողի ծոցը, որ հասկանան, թե ով է երկրի իրական ղեկավարը»։
Նշենք, որ խոսքը հիմնականում եվրոպական երկրներում հավատարմագրված դեսպանների մասին է։ Մեր տեղեկություններով, ներկայումս գործընթացը առայժմ սառեցված է հավել յալ լարվածությունից խուսափելու նպատակով, բայց դեսպանների փոփոխությունն ընդամենը ժամանակի հարց է։
Մեր ունեցած տեղեկություններով, այս փուլում բավական լարված են ընդհանրապես ԱԳՆ-Փաշինյան հարաբերությունները, քանի որ այն վարքագիծն ու դիրքորոշումը, որը դրսևորվում է իշխանությունների կողմից, պրոֆեսիոնալ դիվանագետների շրջանում լուրջ անհանգստություն ու դժգոհություն է առաջացրել։ Հավանաբար հենց այդ լարվածության պատճառով էլ Նիկոլ Փաշինյանը մարտի 2-ին չմասնակցեց դիվանագետի օրվան նվիրված միջոցառումներին»:
Առավել մանրամասն՝ թերթի այսօրվա համարում:
Экологическая «революция» в Сюнике: как удалось избавить деревни от заботы о дровах? «Паст»
Газ подорожает, а сельхозпродукция станет дороже золота. «Паст»
Летняя жара, Ереван без воды и «священная» ценность рукопожатия с Макроном. Катастрофические провалы...
Вопрос об аресте Чалабяна дошел до Европейского парламента: «Паст»
Молдавские уроки: почему правительство Армении не уходит? «Паст»
Почему стало модно «отчитывать» оппозицию, и чего на самом деле ожидает общество? «Паст»
Генрих Мхитарян продлит свой контракт с «Интером» до 2027 года
Нет мандата, «выданного народом»: «Паст»
Размик Марукян стал обладателем бронзовой медали XV Международного конкурса артистов балета
В ответ на правовую борьбу — политическая расправа и арест. «Паст»
