Քաղաքական այս իրարանցման մեջ գտնվելով, ուզում եմ անդրադարձ կատարել «Բարգավաճ Հայաստան» Կուսակցության դիրքորոշմանն ու իրավիճակային դրսևորմանը
Աշոտ Անդրեասյանը ֆեյսբուքյան իր էջում գրել է․
ԲՀԿ նախագահ Գագիկ Ծառուկյանի վերջին հարցազրույցի շուրջ դրական ալիք բարձրացավ հանրության լայն շերտերի կողմից։
Ուզում եմ նշել, որ Գագիկ Ծառուկյանը բոլոր իշխանությունների, քաղաքական ամենատարբեր իրավիճակների և ժամանակահատվածների օրոք վարել է բացառապես սկզբունքային քաղաքականություն, այն է հնարավոր բոլոր ուղղություններով և տարբերակներով աջակցել ՀՀ քաղաքացուն և աշխատել հօգուտ Հայաստանի Հանրապետության բարգավաճման։
Գագիկ Ծառուկյանը չնայած, որ գտնվել է քաղաքական ընդդիմադիր գվարդիայում, կարողացել է բարենպաստ և կայուն հարաբերություններ ստեղծել տարածաշրջանային առանցքային նշանակություն ունեցող պետությունների և ներկայացուցիչների հետ։ Այդ թվում ՀՀ անվտանգության գլխավոր գործընկեր և երաշխավոր՝ Ռուսաստանի Դաշնության հետ։ Այս մասին վկայում են արխիվում պահպանված քաղաքական, տնտեսական, ներդրումային բազմաթիվ հուշագրերը, համաձայնագրերը, համաժողովների ու հանդիպումների տեսանյութերը։
Այնինչ ներկայիս իշխանությունները հնարավոր բոլոր տարբերակներով փորձեցին սեպ խրել հայ-ռուսական (և ոչ միայն) բարեկամական հարաբերությունների միջև։
Ինչ վերաբերում է ԲՀԿ առաջնորդի հայտարարություններին, ապա պետք է նշեմ, որ հնչեցված բոլոր զգուշացումները և հայտարարությունները դարձել են իրականություն։
Հուլիսի 5-ի ԲՀԿ քաղաքական խորհրդի նիստի ժամանակ Գագիկ Ծառուկյանը խոսեց Արցախին սպառնացող վտանգների, սպասվող տնտեսական ճգնաժամի, տապալված կորոնավիրուսի դեմ պայքարի, կառավարության ձախողման, իշխանության անգրագետ, դավադիր քաղաքականության և նմանատիպ այլ առաջնահերթությունների մասին։
Պատերազմի նախօրեին, ԱԱԾ մուտքի մոտ Գագիկ Ծառուկյանը նախազգուշացրեց ժողովրդին Արցախին սպասվող վտանգների մասին, ինչի մասին նախկինում բազմիցս խոսել էր տարբեր ամբիոններից, այդ թվում ԱԺ ելույթի ժամանակ։
Այսօր արդեն մենք ականատեսն ենք դավաճանությամբ պարտության մատնված երկրում պատերազմի դաժանագույն հետևանքներին, օր օրի թանկացումներին, գահավիժող տնտեսական ցուցանիշներին, կորոնավիրուսի հետևանքով 1000ավոր մահացություններին և շարունակվող հակապետական, հակահայկական գործողություններին ու քաղաքական մանիպուլյացիային։
Ինչպես գիտեք, վերջին 3 տարիների ընթացքում Գագիկ Ծառուկյանը հանդես է եկել տնտեսության զարգացմանն ուղղված, ներդրումային տարբեր ծրագրերով և առաջարկներով, աշխատատեղերի, գործարանների և այլ հաստատությունների ստեղծման նախագծերով, որոնք մերժվել կամ կանխվել են իշխանությունների կողմից։
Չեմ կարող չհիշատակել, որ անկախ իշխանական քարոզչամեքենաների ներկայացրած թյուր տեղեկություններից, Գագիկ Ծառուկյանը մշտապես, անկախ քաղաքական պրոցեսներից կանգնած է եղել ՀՀ քաղաքացու կողքին և կատարել է խոշոր բարեգործական ծրագրեր կարիքավոր բոլոր շերտերի համար, որտեղ առանձնապես կարևորվել է մեր երկրի ամենազգայուն ոլորտի՝ գյուղատնտեսության համար կատարված հսկայածավալ աջակցությունը։
Тотально используя административный ресурс, он «ненавидит» административный ресурс? «Паст»
Великая Победа и великий подвиг армянского народа. Арман Варданян
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
