Էդուարդ Շարմազանով. «ՀՀԿ–ն տպավորիչ վստահության քվե ստանալու շանսեր ունի». «Փաստ»
«Փաստ» օրաթերթը գրում է.
Երևանի ավագանու ընտրություններում Տարոն Մարգարյանի շտաբի պետ նշանակված Էդուարդ Շարմազանովն իր նոր պաշտոնը «կուսակցական պատասխանատվություն» է համարում և հայտարարում, որ ճիշտ, համախմբված աշխատանքի դեպքում ՀՀԿ–ն տպավորիչ վստահության քվե ստանալու շանսեր ունի:
Ներկայացնում ենք «Փաստի» զրույցը ՀՀԿ քաղաքապետի թեկնածու Տարոն Մարգարյանի շտաբի պետ Էդուարդ Շարմազանովի հետ:
– Պարոն Շարմազանով, ի՞նչ ակնկալիք ունի ՀՀԿ–ն այս ընտրություններից, հատկապես, որ երևանցիները, կարելի է ասել, բավական դժգոհ են ՀՀԿ–ի՝ Երևան քաղաքի կառավարումից:
– Էդ ո՞վ է ձեզ ասել, որ երևանցիները բավականին դժգոհ են Երևանի կառավարումից, էն էլ քաղաքի: Երևան քաղաքում մենք պառլամենտական ընտրություններում հավաքել ենք շուրջ 50% ձայներ: Ի դեպ, ավագանու ԲՀԿ խմբակցությունը հիմնականում կողմ է քվեարկել ՀՀԿ ավագանու ու Տարոն Մարգարյանի առաջարկություններին: Բոլոր միջազգային սոցիոլոգիական հարցումներով Տարոն Մարգարյանն ունի բավականին բարձր վարկանիշ: Չորրորդ՝ մենք էլ ենք ապրում Երևանում, մենք էլ ենք տեսնում, որ գնալով խնդիրները պակասում են, ոչ թե ավելանում: Հինգերորդ՝ անկախ, թե քանի կուսակցություն կառաջադրվեր, մեր ավագանու թիմը չի պատրաստվում մրցապայքարի մեջ մտնել ընդդեմ ինչ–որ մի կուսակցության: Սա համայնքային ընտրություն է. մենք պետք է ներկայացնենք մեր ավագանիների և գործող քաղաքապետի վերջին 4 տարիների իրականացրած աշխատանքը: Եվ դրա հիման վրա պետք է ներկայացնենք նաև շարունակական ծրագիրը: Երևանցիները իրենք կորոշեն իրենց քվեարկությամբ՝ գո՞հ են, թե՝ դժգոհ: Մեր ակնկալիքները, բնականաբար, դրական են: Մենք գտնում ենք, որ քաղաքապետ Տարոն Մարգարյանի գլխավորությամբ Երևանի քաղաքային իշխանությունները այս տարիների ընթացքում ունեցել են բազում ձեռքբերումներ: Միգուցե եղել են նաև թերություններ, բայց թերություններ չունի նա, ով ոչինչ չի անում: Ես՝ որպես շտաբի պետ, գտնում եմ, որ մեր ճիշտ, համախմբված աշխատանքի դեպքում շատ տպավորիչ վստահության քվե ստանալու շանսեր ունենք:
– Որպես Երևանում բնակվող մարդ, կարո՞ղ եք նշել մեկ ձեռքբերում, որ Տարոն Մարգարյանն ու նրա ղեկավարած քաղաքապետարանը ունեցել են այս տարիների ընթացքում, բացի այն, որ մենք տեսնում ենք, որ շարունակվում է կանաչ տարածքների վաճառքը, տրանսպորտի խնդիրը չի լուծվում, վերելակների, մուտքերի վեցանորոգման և այլն:
– Քարոզչությունը կսկսվի ապրիլի 21–ին, մենք դանդաղ ենք շտապում և կարիք չկա ֆալշ–ստարտ տալ: Քարոզչության ընթացքում յուրաքանչյուր ոլորտում մենք հստակ, ծրագրային թվերով կներկայացնենք՝ ինչ է արվել և արվելու: Նույն կանաչապատման ոլորտում մենք ունենք լուրջ առաջընթաց: Մեր քաղաքապետի թեկնածուն բակ առ բակ կհանդիպի մեր բնակչության հետ և կներկայացնի՝ յուրաքանչյուր բակում, յուրաքանչյուր համայնքում ինչ է արվել, ինչը չի ստացվել և ինչ է սպասվում:
– Պարոն Շարմազանով, իսկ ի՞նչ սկզբունքով եք ընտրել ՀՀԿ ավագանու թեկնածուներին՝ հատկապես որ, օրինակ, Միքայել Պողոսյանին չէիք ասել, որ նա առաջադրվում է ՀՀԿ ցուցակով:
– Պաշտոնապես հայտարարում եմ, որ Միքայել Պողոսյանը տեղյակ է եղել, Միքայել Պողոսյանին առաջարկ արել է քաղաքապետ Տարոն Մարգարյանը: Միքայել Պողոսյանն ընդունել է Տարոն Մարգարյանի առաջարկը՝ ընդգրկվել Երևանի` ՀՀԿ ցանկում որպես անկուսակցական: ՀՀԿ–ն բավարարված է Երևանի ՀՀԿ խմբակցության աշխատանքներով, և մենք ընդգրկել ենք հիմնականում հին մարդկանց: Իհարկե կան նաև նոր գործիչներ:
– Քանի որ վերջին ընտրություններում տեսանք՝ ինչ կատարվեց, այս ընտրություններում ևս ՀՀԿ ընտրակաշառքը 10 հազար դրա՞մ է լինելու:
– Ընտրությունների վերաբերյալ ՀՀԿ–ն իր պաշտոնական դիրքորոշումը հայտնել է: Երկրորդ՝ միջազգային դիտորդները իրենց կարծիքը հայտնել են, քաղաքական ուժերի մեծամասնությունը ընդունել է ընտրությունների արդյունքները: Որպես շտաբի պետ՝ ամեն ինչ անելու ենք, որ այս ընտրություններում թերությունները գնալով քչանան:
– Ասել է թե՝ 10 հազար ընտրակաշառքը չի՞ լինելու:
– 10 հազարի կամ 20 հազարի կամ 5 հազարի հարցով դիմեք նրանց, ովքեր նման առաջարկներ են արել, մեզ մոտ նման բան չի եղել:
Շարունակությունը` «Փաստ» օրաթերթի այսօրվա համարում:
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
