Նիկոլ Փաշինյան՝ սև թուղթը
168.am-ը գրում է․
Տեղեկատվական տարբեր հարթակներում տեղեկություններ են հրապարակվում այն մասին, որ հունվարի 11-ին Մոսկվայում Նիկոլ Փաշինյանն Իլհամ Ալիևի հետ հերթական փաստաթուղթն է ստորագրելու, որով Ադրբեջանին կատարվելու են հերթական զիջումները։ Այդ տեղեկությունների առթիվ հնչող պաշտոնական հերքումներին որևէ մեկը չի հավատում, որովհետև պետության նկատմամբ հավատի ողջ պաշարը սպառվել է պատերազմի 44 օրերին, երբ «Հաղթելու ենք» տափակաբանությամբ կերտվել է Արցախի ու Հայաստանի խայտառակ պարտությունը։ Հաջորդ շաբաթ Մոսկվայում հնարավոր փաստաթղթի ստորագրման մասին տարբեր հարթակներում թևածող տեղեկությունը միակը չէ։
Պատերազմից հետո գրեթե ամեն օր հայ հասարակությունը տեղեկություններ է ստանում որևէ դիրքի, գյուղի, բլրի՝ Ադրբեջանին հանձնման մասին։ Հայ հասարակությունն այդպիսով ապրում է բացասական սպասման հոգեբանության ռեժիմում․ տեղեկատվական հոսքերը տարերայնորեն կամ կառավարվող ռեժիմում ստեղծում են մթնոլորտ, որում ամեն հաջորդ կորուստ կամ զիջում դառնում է պակաս ցավոտ։ Հասարակությունը սովորում է կորուստներին։
Նիկոլ Փաշինյանի իշխանությունից հասարակությունը ոչ միայն՝ այլևս որևէ դրական սպասում չունի, այլև՝ նրանից ու նրա իշխանությունից ունի կոնստանտ բացասական սպասում։ Այսինքն՝ Հայաստանում գործում է ամբողջությամբ նեգատիվ իշխանություն, ինչը ժամանակի ու տարածության մեջ վերափոխվում է հասարակության կողմից պետության նկատմամբ նեգատիվ վերաբերմունքի, որովհետև Նիկոլ Փաշինյանն իրեն ամբողջությամբ նույնացրել է պետության հետ։ Նիկոլ Փաշինյանն իրականում դարձել է «սև թղթի» մարմնավորում, նրանից հասարակությունը սպասում և ստանում է միայն կորուստներ։
Արդյունքում՝ մարդիկ չեն հավատում պետությանը, պետությունը որևէ դրական սպասում չի առաջացնում մարդկանց մտքերում ու հոգիներում, ինչը ժամանակի հետ առաջացնում է պետությունից վերջնական հիասթափության։ Հայաստանն ապրում է «փախուստ պետությունից» ռեժիմում, ինչը սկզբնական փուլում արտահայտվում է պետությունից հոգեբանական օտարմամբ, որը հնարավորության դեպքում դրսևորվելու է նաև պետությունից ֆիզիկական փախուստով՝ արտագաղթով։ Նիկոլ Փաշինյանն Արցախը հանձնել է ֆիզիկապես, Հայաստանի դատարկումը նա առայժմ իրականացնում է հոգեբանական տիրույթում՝ հող նախապատրաստելով նաև ֆիզիկական հեռացման համար։
Դատարկվող Հայաստան․ սա է Արցախյան պատերազմում մեր պարտության տրամաբանական շարունակությունը կամ գուցե Ադրբեջանի առաջ ստանձնած պայմաններից մեկը։ Պետությունից միայն նեգատիվ սպասում ունեցող հասարակությունն այլևս այդ պետության հիմքը չէ, այդ պետությունն իրենը համարող քաղաքացիների ամբողջություն չէ։ Իսկ ո՞վ է դատարկվող Հայաստանի առաջին ու հիմնական շահառուն։ Ադրբեջանը, անշուշտ։ Նաև Թուրքիան, բնականաբար։
Եվ եթե դա այդպես է, հեշտ է գտնել նաև հարցի պատասխանը, թե ո՞ւմ շահերին է ծառայում Հայաստանի այն իշխանությունը, որի գոյության ամեն օրը նպաստում է պետության դատարկմանն ու պետության չգոյությանը։
Ավելին՝ այստեղ
Тотально используя административный ресурс, он «ненавидит» административный ресурс? «Паст»
Великая Победа и великий подвиг армянского народа. Арман Варданян
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
