«70 օր է ինչի՞ երեխեքին ման չեք գալիս. հիմա էլ ուլի դեմքով նստած ես». Անհետ կորածների հարազատները Վայքի զորամասում են. Տեսանյութ

Անհետ կորած զինվորների հարազատները, որոնք նախօրեին Վայքի հատվածում փակել էին Երեւան- Գորիս միջպետական ճանապարհը, այսօր հանդիպում են ունեցել Վայքի զորամասում, որն ամբողջությամբ տեսանկարահանել են:

Զինվորների հարազատներից մեկն ասաց. «Դուք եք տարել երեխեքին, դուք էլ բերեք: Տարել ես հանձնել ես Պողոսին, գնա բեր Պողոսին, քեզանից ենք պահանջում: Տարել ես հանձնել ես Պետրոսին, գնա Պետրոսին բեր: Ինքը կգա, ինքը պատասխան կտա, թե ինքն ում ա հանձնել երեխեքին:

Այ վարչապետի օգնական անասուն, դու էնքան չկաս, որ մի գեներալի չես կարոմ բերե՞ս, բա ինչի» ես նստել էդ աթոռին: Զանգեք բոլորին խառնեք իրար, ձեւ չկա, գեներալին պտի բերեք: Հիմա չե՞ք կարողանում ռազմական ոստիկանությունով տվյալ գեներալին բերման ենթարկել»:

Ինչ-որ պահի իրավիճակը լարվեց եւ ծնողներից մեկը դիմելով զորամասի զինծառայողներից մեկին, ասաց. «Էս 70 օր է ինչի՞ երեխեքին ման չեք գալիս: Տենց ուլի դեմքով նստած ես հիմա, քեզ էլ դրել ես չգիտեմ ինչի տեղ: Հել, սիկտիր եղի: Ձեր քամակներն եք փրկել պատերազմի դաշտում: Այ որ մի երեխու հետ բերեք, կիմանանք, որ ինչ-որ բան արել եք: 26 երեխուց մեկը չկա: Մինչեւ վերջ մեզ հետ պետք է լինեք, թե չէ կինո ենք սարքելու»:

Ծնողներից մի կին էլ ասաց. «Մենք գիտենք, որ 40 հոգի երեխա վարքի ձորից բերել են մի քիչ վատ վիճակում: Մենք ուզում ենք այդ երեխաներին տեսնենք, տեսնենք, մեր երեխեքն են, թե ոչ»:  Զորամասի հրամանատարն ասաց, որ իրենք նման տեղեկություն չունեն:

Ծնողներից մի կին էլ ասաց. «Մենք Նիկոլի դեմ ոչինչ չունենք, հլա որ ոչ մի բան չենք անում, մինչեւ Նիկոլը մեր երեխեքին վերադարձնի: Չի վերադարձնի, նոր կտենան՝ ինչ է լինելու»: