«Փաստ». Փաշինյանը Վանեցյանին բանագնացների միջոցով ուղարկված «թեզերն» արդեն հրապարակային են հնչեցվում
«Փաստ» օրաթերթը գրում է. «Օրերս Ազգային ժողովում Նիկոլ Փաշինյանն ասել էր, թե իրենք պատրաստ են երկխոսության՝ պայմանով, որ այդ խոսակցությունը չընկալվի որպես նահանջ՝ բռնության եւ հարկադրանքի սպառնալիքի առաջ: Նրա խոսքով, որեւէ մեկը հարկադրանքի, սպառնալիքի ու բռնության լեզվով չպետք է խոսի:
«Մենք պետք է ընդհանուր ըմբռնում ունենանք, պայմանավորվենք, հրաժարվենք բռնության եւ սպառնալիքի խոսույթից»,- ասաց Փաշինյանը՝ հատուկ շեշտելով, որ խոսքը իրական մտադրությունների մասին է: Սա փաստացի գնահատվում է որպես հերթական մեսիջ՝ ուղղված ընդդիմադիր ուժերին, հստակ երաշխիքներ ստանալու նպատակով:
Բանն այն է, որ, ինչպես նշել էին օրեր առաջ, Նիկոլ Փաշինյանը բանագնացներ էր ուղարկել ԱԱԾ նախկին տնօրեն, «Հայրենիք» կուսակցության ղեկավար Արթուր Վանեցյանի մոտ՝ քննարկելու իշխանության անցնցում փոխանցման հնարավորությունը:
Մեր տեղեկություններով, քանզի դրական պատասխան չի ստացել, հիմա նույն առաջարկը հնչեցնում է հրապարակային: Թեպետ ընդդիմադիր գրեթե բոլոր ուժերի ներկայացուցիչները հստակ հայտարարել են անվտանգության երաշխիքնեի ու, այսպես կոչված, «մարդասիրական միջանցքի» մասին, խնդիրը դեռեւս բաց է մնում, քանի որ, մեր տեղեկություններով, Փաշինյանը երաշխիքներ է ցանկանում նաեւ մասնավորաբար իրավական պատասխանատվության առումով, ինչի հետ կապված որեւէ համաձայնություն չի ստացել:
Ուստի հիմա ԱԺ ամբիոնից նա արդեն հրապարակային է հնչեցրել այն «թեզերը», որոնք փոխանցվել էին Վանեցյանին բանագնացների միջոցով»:
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
Только стыд и позор из-за властей: «Паст»
Освещения мероприятия блока «Армения» набрали около 15 миллионов просмотров: «Паст»
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Наапетян: выборы превращаются в референдум — за «кандидата Азербайджана» или против
Кто такой Марио Науфал, которому дал интервью Нарек Карапетян? «Паст»
За два месяца девять лет восполнится? «Паст»
Когда дети становятся частью пропаганды: «невинный разговор» или?... «Паст»
