Փաշինյանի առավոտվա տեքստը հոգեբույժներին տալու տեքստ է, որովհետև այս մարդը երկիրը ողբերգության հասցնելով՝ իր ես-ի կռիվն է տալիս․ գործ ունենք դիագնոզի հետ և սրանով զբաղվել է պետք. Բեքարյան (Տեսանյութ)
Բանակցությունները ձախողել է Նիկոլ Փաշինյանը, հիմա էլ լկտի սուտ է գրում։ Այս մասին «Արմնյուզ» հեռուստաընկերության եթերում ասել է քաղաքական գործիչ Կարեն Բեքարյանը` անդրադառնալով Արցախի մասին Նիկոլ Փաշինյանի գրառումներին։ «Ո՞ւմ է ապուշի տեղ դնում, ինքը չի՞ հասկանում, թե ինչն է ինչի հետ համեմատում»,– ասել է նա։
Անդրադառնալով Փաշինյանի դիտարկմանը, թե 2018-ի դրությամբ Արցախի հարցը փակուղում էր և միակ լուծումը տարածքների անվերապահ հանձնում էր, Կարեն Բեքարյանն ասել է. «Հերթական լկտի սուտն է, որովհետև բանակցային գործընթացն ինքն անձամբ է մտցրել փակուղի, առաջինը վերելակային պայմանավորվածությունը։ Դրանից հետո Ադրբեջանն իրականացրել է դիրքերի բարելավում սահմանային գոտու ողջ երկայնքով, այդ թվում նաև Նախիջևանում, դու ոչինչ չես արել, որովհետև չէիր էլ կարող անել։ Տարուց ավելի բացատրում էինք մեր հանրությանը, որ մտնելով այսպիսի չմտածված պայմանավորվածությունների մեջ, եթե անգամ կյանքեր է խնայում, դա ժամանակավոր է, որովհետև դիմացինը պատրաստվում է»։
«Երկրորդը` դու քայքայում ես բանակցային տրամաբանության ամբողջ ընթացքը, երբ որևէ կերպ չպատրաստված, առանց խորհրդակցությունների, ասում ես` դու չես կարող ներկայացնել ԼՂ֊ն, միայն իրենք են կարող։ Երբ դու քո պատկերացումներում «ավերող» հեղափոխությունն ես անում, որից դիմացինն օգտվում է։ Երրորդ գործողությունը. գնաց ի լուր աշխարհի Ստեփանակերտի Վերածննդի հրապարակում ասաց` Արցախը Հայաստան է և վերջ։ Ողջ դիվանագիտական կորպուսը, պետական ապարատը պարալիզացվեց։ Այդ դեպքում դիվանագետն ինչի՞ վրա պետք է հենվեր, ինչի՞ համար էինք պայքարում։ Ոչ մի հայտարարություն իրար հետ կապ չուներ։ Ու տկարամտության այնպիսի շքերթ ունենք, որ նորանշանակ արտգործնախարարը, թե ոնց է գնացել այդ պաշտոնին, թողնենք իր խղճին, ասում է` մենք ռազմական դաշտում պարտություն ենք ունեցել, դիվանագիտական դաշտում` ոչ։ Այսինքն՝ մենք հասել ենք մառազմի»,– հավելել է նա։
Կարեն Բեքարյանի խոսքով` ԼՂՀ նախագահ կոչվող անձը պատերազմից մի քանի օր առաջ ասում էր` եթե կարգավիճակ էլ լինի, մենք տարածք չենք տալու, սակայն եթե նա պատերազմ չէր հրահրում, ապա ինչ էր անում այդ դեպքում։ «Հիմա հեքիաթներ են պատմում»,– ասել է նա։
Ամբողջական հոդվածը կարող եք կարդալ այստեղ
Тотально используя административный ресурс, он «ненавидит» административный ресурс? «Паст»
Великая Победа и великий подвиг армянского народа. Арман Варданян
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
