Վերջին երեք ամսում` 11 խոշոր գողություն Սոլակ գյուղում. ոչ մի բացահայտում. «Փաստ»
«Փաստ» օրաթերթը գրում է.
Վերջին երեք ամսում Կոտայքի մարզի Սոլակ գյուղում 11 խոշոր գողություն է կատարվել, ու մինչև հիմա ոչ մեկը չի բացահայտվել: Գողություններ են կատարվել յոթ բնակարանից, երեք խանութից ու «Օրրան» ռեստորանային համալիրից: Կողոպտվել են գյուղի բնակիչներ` Արմեն Հայրապետյանի, Նվեր Օհանյանի, Ֆրունզե Սուքիասյանի, Էդգար Բաղդասարյանի, Սամվել Օհանյանի և ևս երկու հոգու բնակարաններ:
Հայկ Հարությունյանի, Դավիթ Սախոյանի և ևս մեկի խանութները, ինչպես ասում են, ուղղակի սրբել–տարել են: Միլիոնների վնաս է հասցվել հատկապես Ֆրունզե Գրիգորյանին պատկանող «Օրրան» ռեստորանային համալիրին:
Տարել են` ինչ պատահի. երաժշտական կենտրոններ, լվացքի մեքենաներ, բաքսի, սառնարաններ, հեռուստացույց, մթերք, խմիչք, անգամ խոտհնձիչներ:
Սոլակի գյուղապետ Բադալ Սարգսյանը «Փաստի» լրագրողի հետ զրույցում հաստատեց վերը նշվածը:
«Այս ամենը, ըստ ոստիկանների, պրոֆեսիոնալ գողեր են կատարել, կարող է գյուղից մեկը ուղղություն է ցույց տվել: Քննություն է ընթանում, դեռ բացահայտում չկա,– ասաց Բ. Սարգսյանը,– մենք ցանկանում ենք տեսախցիկներ տեղադրել գյուղի կարևոր հատվածներում, 800 հազար դրամի պատմություն է»:
Ու մինչև հիմա 11 գողությունից ոչ մեկը չի բացահայտվել: Իսկ ոստիկանական «սվոդկաներում» գրեթե 98% բացահայտումներ են արձանագրվում:
Ո՞ւր են տեղի ոստիկանները, քննիչները, նրանք հո միայն Սարի թաղում ժողովրդին ծեծելու համար չե՞ն:
Շարունակությունը` «Փաստ» օրաթերթի այսօրվա համարում:
Властям не нужны ни объективные наблюдатели, ни справедливые выборы։ «Паст»
Лидер партии обвинил власти в игнорировании угрозы «Западного Азербайджана»: «Прячут голову в песок»...
Новая Мишель Обама: смелый стиль, подтянутая фигура и сияющее лицо
Кому и почему мешает название «Арарат 73»? «Паст»
За пределами политических лозунгов — вопрос экономической ориентации Армении
То, что делает Церковь, исходит только и только из интересов армянского народа и Армянской государст...
Почему Армения молча наблюдает за смертельными страданиями международного права? «Паст»
«Законодательный» «штыковый бой» властей против реальных наблюдателей: «Паст»
Для чего нужны представления с названием «литургия»? «Паст»
Кому выгоден подход «отвергать всех»? «Паст»
