ՀՀԿ-ն՝ ՌԴ նախագահին ուղղված Նիկոլ Փաշինյանի նամակի և ՌԴ արձագանքի մասին
ՀՀԿ խոսնակ, ՀՀԿ ԳՄ անդամ Էդուարդ Շարմազանովից հետաքրքրվեցինք՝ ինչպե՞ս է ՀՀԿ -ն գնահատում Նիկոլ Փաշինյանի նամակը ՌԴ նախագահ Վ.Պուտինին և ՌԴ ԱԳՆ արձագանքը՝ հաշվի առնելով, որ ձեր նախնական գնահատականը հնչեցվել էր մինչեւ ՌԴ ԱԳՆ պատասխանը։
Ի պատասխան՝ նա ասաց․ «Անշուշտ, ռազմական դրության ռեժիմը որոշակի ձևով սահմանափակում է մեզ մեր գնահատականներում: Բացի այդ, նամակի բուն բովանդակությունը մեզ հայտնի չէ: Մեզ հայտնի է միմիայն ՀՀ ԱԳՆ մամլո հաղորդագրությունը, որում նամակի բովանդակությունը բերված է շատ ընդհանուր գծերով:
Այնուամենայնիվ այդ մամլո հաղորդագրությունից պարզ է դառնում, որ նամակի հիմքում կարծես թե դրված է միայն 1997թ. օգոստոսի 29-ի «Բարեկամության, համագործակցության և փոխադարձ աջակցության մասին» պայմանագիրը: Այդ կապակցությամբ ուզում եմ նշել, որ մեր կարծիքով՝ կան նաև մի շարք այլ կարևոր հիմքեր ևս, որոնք պետք է հիշատակվեին:
«Հայաստանի Հանրապետության և Ռուսաստանի Դաշնության միջև 1995 թվականին կնքվեց Հայաստանի Հանրապետության տարածքում ռուսաստանյան ռազմակայանի մասին պայմանագիր: Ընդ որում՝ այդ պայմանագրում հետագայում` 2010 և 2016 թվականներին կատարվեցին մի քանի արմատական փոփոխություններ:
Այդ փոփոխություններով ընդլայնվեցին ռուսաստանյան ռազմակայանի խնդիրները, նախատեսելով, որ ռուսաստանյան ռազմակայանը, բացի Ռուսաստանի Դաշնության շահերի պաշտպանության գործառույթներից, Հայաստանի Հանրապետության զինված ուժերի հետ համատեղ ապահովում է Հայաստանի Հանրապետության անվտանգությունը ողջ սահմանով, ինչպես նաև այն, որ ռուսական կողմն աջակցում է ժամանակակից և համատեղելի սպառազինությամբ, ռազմական տեխնիկայով Հայաստանի Հանրապետությանն ապահովելու գործին։
Բացի նշված փոփոխություններից, 2016 թ․ ստորագրվել է «Հայաստանի Հանրապետության և Ռուսաստանի Դաշնության միջև Հայաստանի Հանրապետության զինված ուժերի և Ռուսաստանի Դաշնության զինված ուժերի զորքերի Միացյալ խմբավորման մասին» համաձայնագիրը, որը, մեր կարծիքով, ևս պետք է դրվեր նամակի հիմքում:
Այն նախատեսում է Հայաստանի Հանրապետության զինված ուժերի և Ռուսաստանի Դաշնության զինված ուժերի զորքերի միացյալ խմբավորման ստեղծում՝ տարածաշրջանում ռազմական անվտանգության ապահովման համար: Ընդ որում այդ համաձայնագիրը նախատեսում է, որ ագրեսիայի անմիջական սպառնալիքի դեպքում կազմավորվում է Միացյալ խմբավորման ռազմական կառավարման մարմինը:
Հաշվի առնելով, ՌԴ ԱԳՆ արձագանքը, կարծում եմ, որ ՀՀ զինված ուժերը պետք է հիմնավոր կերպով վերադիսլոկացիայի ենթարկվեն, որպեսզի ՀՀ-ը ապահովի Արցախի անվտանգության երաշխավորի իր առաքելությունը»:
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
Только стыд и позор из-за властей: «Паст»
Освещения мероприятия блока «Армения» набрали около 15 миллионов просмотров: «Паст»
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Наапетян: выборы превращаются в референдум — за «кандидата Азербайджана» или против
Кто такой Марио Науфал, которому дал интервью Нарек Карапетян? «Паст»
За два месяца девять лет восполнится? «Паст»
Когда дети становятся частью пропаганды: «невинный разговор» или?... «Паст»
