Ճանապարհային ոստիկանությունը իր քթի տակինը չի տեսնում, բայց չնչին դեպքերը շատ լավ է տեսնում. «Փաստ»
«Փաստ» օրաթերթը գրում է.
«Փաստ» օրաթերթի խմբագրություն էր դիմել մի քաղաքացի, ով իրավացիորեն բողոքում էր Ճանապարհային ոստիկանության աշխատակիցների կողմից ցուցաբերած անմարդկային մոտեցումից ու վերաբերմունքից:
Խնդիրն այն է, որ Դիլիջան քաղաքի բնակիչ Վարդգես Գոգչյանի մեքենայի ԱՊՊԱ պայմանագրի ժամկետն ավարտվելու հաջորդ օրն իսկ նա «Սիլ ինշուրանս» ապահովագրական կազմակերպությունում կնքել է նոր պայմանագիր: Սակայն մինչ կակտիվանար նոր կնքված պայմանագիրը (քանի որ այն կնքելուց մի քանի ժամ հետո է ակտիվանում), հոր առողջական վիճակը կտրուկ վատանում է և նրան անհապաղ Երևան տեղափոխելու անհրաժեշտություն է առաջանում:
Առանց մտածելու, որ ճանապարհային ոստիկաններն այնքան անմարդկային կգտնվեն, որ ընդամենը մի քանի ժամ առաջ ավարտված և ընդամենը մի քանի ժամից ակտիվացման ենթակա պայմանագրերի արանքում, առանց ճանապարհային երթևեկության որևէ խախտում թույլ տալու և առանց հոր վատանալու հանգամանքը հաշվի առնելու, կարող են իրեն «բռնացնել» և «վարչական իրավախախտում կատարելու համար» աստղաբաշխական չափի հասնող տուգանք նշանակել:
Բայց պարզվում է, որ մեր հարգարժան ճանապարհային ոստիկանները «Գայի պոստում» կանգնած հենց նման դեպքերի են սպասում: Եվ Սևան–Երևան մայրուղուց մինչև Գագարին գյուղի մոտակայք հետապնդելով կանգնեցրել են մեքենան և տուգանել նրան:
«Ես ցույց տվեցի թե՛ իմ նախորդ ԱՊՊԱ պայմանագիրը, և թե՛ նոր պայմանագիրը, որը մի քանի ժամից պետք է ակտիվանար: Նաև խնդրեցի նրանց, որ հորս շտապ տեղափոխում եմ Երևանի հիվանդանոց, այդ պատճառով ստիպված եմ մեքենան վարում: Հակառակ դեպքում մի քանի ժամ կսպասեի, որ նոր պայմանագիրն ակտիվանար, որպեսզի խնդիր չլիներ: Բայց նրանք ընդհանրապես ոչինչ հաշվի չառան ու 100000 դրամի վարչական ակտ գրեցին իմ վրա»,– «Փաստին» ասաց Վ. Գոգչյանը:
ՀՀ ոստիկանությունից և հատկապես Ճանապարհային ոստիկանության ծառայության պատասխանատուներից «Փաստն» ակնկալում է ստանալ այն հարցերի պատասխանը, թե ինչու են հայոց ճանապարհային ոստիկաններն այդքան «քարացած» և եթե իրենց ծնողին հարկավոր լիներ շտապ հիվանդանոց հասցնել, ապա իրենք արդյոք կսպասեի՞ն, որ այդ մի քանի ժամն անցներ ու ԱՊՊԱ–ի թուղթն ակտիվանար:
Եվ վերջապես, եթե իսկապես այդքան «ազնիվ» են և ծառայությունն իրականացնում եք միայն ու միայն օրենքի տառին հավատարիմ, ապա ինչպես է պատահում, որ նույնիսկ մայրաքաղաքի սրտում օրն ի բուն թե՛ մգեցված ապակիներով, թե՛ առանց ԱՊՊԱ պայմանագրի բազում մենքենաներ են երթևեկում, բայց դրանք զարմանալիորեն ու չգիտես ինչու Ճանապարհային ոստիկանների տեսադաշտում այդպես էլ չեն հայտնվում:
Իսկ եթե անկեղծ, ապա իրականում դուք թերանում եք ամենակարևոր՝ մարդկային վերաբերմունք ցուցաբերելու հարցում: Այնպես որ, օրենքի տառին հետևելուց առաջ հարկավոր է դեպքերը միմյանցից զատել ու մարդկանց հանդեպ մարդկային վերաբերմունք ցուցաբերել:
Շարունակությունը` «Փաստ» օրաթերթի այսօրվա համարում:
Экологическая «революция» в Сюнике: как удалось избавить деревни от заботы о дровах? «Паст»
Газ подорожает, а сельхозпродукция станет дороже золота. «Паст»
Летняя жара, Ереван без воды и «священная» ценность рукопожатия с Макроном. Катастрофические провалы...
Вопрос об аресте Чалабяна дошел до Европейского парламента: «Паст»
Молдавские уроки: почему правительство Армении не уходит? «Паст»
Почему стало модно «отчитывать» оппозицию, и чего на самом деле ожидает общество? «Паст»
Нет мандата, «выданного народом»: «Паст»
Размик Марукян стал обладателем бронзовой медали XV Международного конкурса артистов балета
В ответ на правовую борьбу — политическая расправа и арест. «Паст»
Ucom представляет новый региональный пакет uMix 5000: 3 услуги всего за 5000 драмов в месяц
