Բաքուն չլսեց Լավրովին ու Շոյգուին, կլսի՞ Պոմպեոյին
Lragir.am-ը գրում է. Ըստ տեղեկությունների, ԱՄՆ պետքարտուղար Մայք Պոմպեոն հոկտեմբերի 23-ին Վաշինգտոնում կհանդիպի Հայաստանի եւ Ադրբեջանի արտաքին գործերի նախարարների հետ: ԱՄՆ Պետքարտուղարությունից ռուսական ՏԱՍՍ-ին հրաժարվել են մեկնաբանել այդ փաստը: Եթե այն կայանա, հնարավո՞ր է գնահատել հրադադարի երրորդ՝ ամերիկյան փորձ կամ միջնորդություն: Ինչպես հայտնի է, հոկտեմբերի 9-ին Ռուսաստանի, իսկ 18-ին էլ Ֆրանսիայի նախաձեռնությամբ փորձերը Անկարան ու Բաքուն տապալեցին:
Հոկտեմբերի 9-ի փորձից հետո ռուսական պրոպագանդան հրապարակ բերեց ինքնավստահ «թեզը»՝ չլսեցին Լավրովին, կլսեն Շոյգուին: Շոյգուին էլ չլսեցին: Ավելին, Շոյգուն խոսեց անգամ Թուրքիայի պաշտպանության նախարար Աքարի հետ, որը հենց ռուսական փորձագիտական շրջանակների հավաստիացմամբ իրեն պահել էր բավական հանդուգն: Դրա մասին հնարավոր էր եզրակացնել նաեւ թուրքական կողմի հաղորդագրությունից, ի տարբերություն ռուսական սուղ պաշտոնական գրության:
Թերեւս Աքարի այդ պահվածքից հետո ռուսական կողմը որոշեց Կոմերսանտի միջոցով հանրայնացնել պատերազմում Թուրքիայի մասնակցության հետախուզական տվյալներ, թե որքան մարդ է ներգրավված, որքան տեխնիկա, ինչպես: Այդ տվյալներում նշվում էր նաեւ, որ հենց Աքարն է սեպտեմբերի 27-ին ժամանել Բաքու եւ ղեկավարել ադրբեջանական գրոհը:
Ակնառու էր, որ ռուսական տվյալների այդ հանրայնացման նպատակը Անկարային ցույց տալն էր, որ Մոսկվան հետեւում է եւ տեղեկացված է, իսկ դա թերեւս նշանակում է, որ այդ տվյալները կարող են նաեւ աշխատել Թուրքիայի դեմ: Բայց Անկարային փաստացի դա էլ չի կանգնեցնում եւ ինչպես Լավրովին, այնպես էլ Շոյգուին թուրքերը չեն լսում:
Կլսե՞ն Պոմպեոյին, որը հոկտեմբերի 12-ից որոշակի աշխուժություն է ցուցաբերում պատերազմի վերաբերյալ հայտարարություններում, Թուրքիայի մասնակցության մասին է խոսել, հայտարարել, որ կոչ են անում չանել դա եւ հույս հայտնել, որ հայերը կկարողանան պաշտպանվել ադրբեջանական գրոհներից, մինչ հետո կողմերը կնստեն բանակցության:
Դեռ այդ առիթով ենթադրեցի, թե արդյո՞ք Պոմպեոն ինչ որ ժամանակ է ակնկալում հայերից, մինչ ԱՄՆ-ն որեւէ նախաձեռնություն հանդես կբերի: Մինչ այդ ՄԱԿ Անվտանգության խորհուրդը քննարկեց հրադադարի եւ վերահսկման մեխանիզմների հարցը՝ Մինսկի խմբի համանախագահ երկրների նախաձեռնությամբ: Պարզ չէ, թե ՄԱԿ ԱԽ ինչ եզրահանգման է եկել, սակայն դրանից առաջ հայտնի դարձավ, որ թե Հայաստանի վարչապետ Փաշինյանը, թե Բաքվի ղեկավար Ալիեւը պատրաստ են Մոսկվայում հանդիպելու Պուտինի առաջարկին:
Լավրովի ու Շոյգուի մոտ չստացվեց Պուտինի նախաձեռնությամբ հրադադարը իրականություն դարձնելը, արդյոք կստացվի Պոմպեոյի մոտ, եւ Ալիեւը Մոսկվա կգնա ավելի շուտ Թրամփից ու Պուտինից, քան Էրդողանից կախված:
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
Только стыд и позор из-за властей: «Паст»
Освещения мероприятия блока «Армения» набрали около 15 миллионов просмотров: «Паст»
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Наапетян: выборы превращаются в референдум — за «кандидата Азербайджана» или против
Кто такой Марио Науфал, которому дал интервью Нарек Карапетян? «Паст»
За два месяца девять лет восполнится? «Паст»
Когда дети становятся частью пропаганды: «невинный разговор» или?... «Паст»
