Ինչ է ռազմական դրությունը. երբ եւ ինչպես է իրականացվում զորահավաք
Ինչպես արդեն հայտնել ենք, Արցախում հայտարարվեց ռազմական դրություն. սկսվել է զորահավաք:
Արցախի նախագահ Արայիկ Հարությունյանը Ազգային ժողովի արտահերթ նիստում հայտարարել է, որ զորահավք է տասնութից բարձր տարիքային խմբի համար:
Ինչ է ռազմական դրությունը
Ռազմական դրությունը զինված հարձակման, դրա անմիջական վտանգի առկայության կամ պատերազմ հայտարարվելու դեպքում իրականացվող ժամանակավոր միջոցառում է, որն իրենից ներկայացնում է պետական կառավարման և տեղական ինքնակառավարման մարմինների, կազմակերպությունների գործունեության հատուկ իրավական ռեժիմ և թույլատրում է իրավաբանական անձանց, տվյալ երկրի քաղաքացիների, օտարերկրյա քաղաքացիների ու քաղաքացիություն չունեցող անձանց իրավունքների և ազատությունների որոշակի սահմանափակումների և նրանց նկատմամբ լրացուցիչ պարտավորությունների սահմանում:
Ռազմական դրություն հայտարարելու նպատակն է զինված ուժերի և տնտեսության զորահավաքային ծավալման համար առավելագույն բարենպաստ պայմանների ստեղծմամբ դիմակայել զինված հարձակմանը կամ կանխել դրա անմիջական վտանգը, ինչպես նաև ապահովել պետական և տեղական ինքնակառավարման մարմինների բնականոն գործունեությունն ու մարդկանց կյանքի և անվտանգության պաշտպանությունը ռազմական դրության պայմաններում:
Ռազմական դրություն հայտարարվում է միայն այն հանգամանքների առկայության դեպքում, որոնք անմիջականորեն սպառնում են պետության ինքնիշխանությանը, անվտանգությանը, տարածքային ամբողջականությանը և դրանով պայմանավորված` քաղաքացիների կյանքին ու անվտանգությանը, և այդ հանգամանքների վերացումն անհնարին է առանց արտակարգ միջոցներ ձեռնարկելու:
Ռազմական դրություն հայտարարելը
1. Ռազմական դրություն կարող է հայտարարել ՀՀ-ում՝ կառավարությունը, Արցախում՝ նախագահը զինված հարձակման, դրա անմիջական վտանգի առկայության կամ պատերազմ հայտարարվելու դեպքերում:
2. Ռազմական դրություն հայտարարվելու դեպքում իրավունքի ուժով անհապաղ գումարվում է Ազգային ժողովի հատուկ նիստ: Ազգային ժողովը կարող է ռազմական դրությունը:
3. Ռազմական դրություն հայտարարվելու դեպքում ՀՀ-ում՝ կառավարությունը, Արցախում՝ նախագահը, ուղերձով դիմում է ժողովրդին և կարող է հայտարարել ընդհանուր կամ մասնակի զորահավաք:
Ինչ է զորահավաքային նախապատրաստությունը և զորահավաքը
Զորահավաքային նախապատրաստությունը զինված ուժերում և այլ զորքերում, պետական և տեղական ինքնակառավարման մարմիններում, ձեռնարկություններում, հիմնարկներում, կազմակերպություններում խաղաղ ժամանակ իրականացվող միջոցառումների համակարգ է, որը նպատակ ունի հանրապետությունն ու նրա վարչատարածքային միավորները նախապատրաստել զինված հարձակումից պաշտպանելու, պատերազմի ժամանակ տնտեսության և բնակչության պահանջմունքները բավարարելու համար:
Զորահավաքը պետական և տեղական ինքնակառավարման մարմինների ու կազմակերպությունների աշխատանքը ռազմական դրության աշխատանքային ռեժիմի, զինված ուժերը ու այլ զորքերը պատերազմական ժամանակի կազմակերպման և կազմի փոխադրելու միջոցառումների համակարգ է: Զորահավաքը կարող է լինել ընդհանուր կամ մասնակի:
Զորահավաք կարող է հայտարարել ՀՀ-ում՝ կառավարությունը, Արցախում՝ նախագահը` ռազմական դրություն հայտարարելուց հետո:
Զորահավաքը դադարեցնում է ՀՀ-ում՝ կառավարությունը, Արցախում՝ նախագահը` զորահավաք հայտարարելու հիմքերը վերանալուց հետո:
Զորահավաքային նախապատրաստության և զորահավաքի իրականացումն ապահովելու նպատակով ստեղծվում են զորահավաքային մարմիններ, սահմանվում է պաշտպանության նպատակով տրանսպորտային միջոցների օգտագործումը և անցկացվում է զորակոչ:
Զորահավաքային նախապատրաստության եւ զորահավաքի հիմնական սկզբունքներն են՝
– կենտրոնացված ղեկավարումը.
– պլանայնությունը եւ վերահսկողությունը.
– կոմպլեքսայնությունը եւ փոխադարձ համաձայնեցումը:
Экологическая «революция» в Сюнике: как удалось избавить деревни от заботы о дровах? «Паст»
Оппозиционная консолидация: инициатива Самвела Карапетяна становится осью поствыборного периода: «Па...
ВТБ (Армения) выступил спонсором армянского издания знаменитого романа А. Дюма «Три мушкетера»
Газ подорожает, а сельхозпродукция станет дороже золота. «Паст»
Мы не видим необходимости реагировать: Пашинян о признании Израилем Геноцида армян
Новая география общественного доверия: как политическая позиция стала основным инструментом борьбы с...
Армянские вина получили высокую оценку авторитетного издания Robert Parker Wine Advocate
Нет мандата, «выданного народом»: «Паст»
Боррель: расширение функций ЕК привело к полному хаосу во внешней политике ЕС
Молдавские уроки: почему правительство Армении не уходит? «Паст»
