Գերագույն դատարանը մեր երկրի ժողովրդավարական ապագայի համար լուրջ խնդիր եմ համարում․ Վիգեն Քոչարյան
Այո, ես ունեմ շատ լուրջ և չփարատված մտահոգություններ` այս հնարավոր միավորման հետ կապված: Ամենահիմնավոր մտահոգությունս հանգում է նրան, որ մենք, ստեղծելով Գերագույն դատարան և օժտելով նրան բոլոր այն լիազորություններով, որոնք ունի ՍԴ-ն և Վճռաբեկ դատարանը, ստեղծում ենք դատական իշխանության գերկենտրոնացում, որը որևէ կերպ չի կարող նպաստել մեր առջև կանգնած խնդիրների լուծմանը և կարող է նոր և լուրջ խնդիրների պատճառ դառնալ:
Այս մասին այսօր «Բարձրագույն դատական ատյանները սահմանադրական բարեփոխումների հայեցակարգում» թեմայով քննարկման ժամանակ ասաց ԲԴԽ գիտական անդամ Վիգեն Քոչարյանը:
«Ես կարող եմ հավաստել, որ աշխարհում չկա որևէ գերագույն դատարան, որն ամբողջ ծավալով ունենա այն բոլոր լիազորությունները, որոնք այսօր մեր գործընկերներն առաջարկում են ուղղակի գումարման միջոցով օժտել Գերագույն դատարանին»,- ասաց նա և հավելեց, որ մեծ է գայթակղությունը` կուտակված խնդիրները մեկ քայլով լուծելու, սակայն ըստ նրա՝ դա ավելի մեծ և լուրջ խնդիրների ծագման պատճառ լինել:
Նա նշեց, որ ներկայիս գործող համակարգի տրամաբանությունը ուղղահայացության բացակայության մեջ է, և դատարաններն իրանից տարբերվում են իրենց գործառույթներով, նրա որակմամբ՝ Գերագույն դատարանի ստեղծմամբ ուղղակի ենթակայեցնում են ստորադաս դատարանները Գերագույն դատարանին:
Քոչարյանը դիտարկեց՝ մեկտեղելով դատարանները` խախտվում են դրանց գործառույթները: «Այստեղ մեծ վտանգ կա, որ կարող է ձևավորվել մի մարդկանց խումբ, որը կոչվում է Գերագույն դատարան, որն էլ իր ձեռքում կկենտրոնացնի օրենսդրության, մեկնաբանման, Սահմանադրության, կոնկրետ գործերի լուծման բոլոր գործառույթները: Ես սա մեր երկրի ժողովրդավարական ապագայի, պետության կառույցի կայունության համար լուրջ խնդիր եմ դիտարկում»:
Выполняя требования агрессора, мира не достичь. Аршак Карапетян
Армения оказалась на грани исторической катастрофы․ Аршак Карапетян
Бывшие руководители Словакии требуют от Никола Пашиняна прекратить политические преследования и давл...
Когда союзников не осталось: цена и последствия полной изоляции. Аршак Карапетян
«Сила одного драма» - благотворительной общественной организации «Орран»
Moody’s изменило прогноз по рейтингам IDBank на позитивный
Мы не хотим, чтобы сатана, пришедший к власти, судил христиан за их поступки
«Срочно подтвердите данные карты»: IDBank предупреждает о мошенничестве с бронированием отелей
Подведены итоги очередного этапа Junius: впереди новый этап
День благодарности клиентам - на этот раз в филиале IDBank «Эребуни»
