Ես ձեզ հավաստիացնում եմ այս քրեական գործը հարուցվելու է. Արթուր Ղազինյան
«Մեկ Հայաստան» կուսակցության հիմնադիր նախագահ Արթուր Ղազինյանը օրերս 5-րդ ալիքի տաղավարում էր:
Իր հարցազրույցում Ղազինյանն անդրադարձել է վերջին շրջանում ՀՀ-ում կատարվող իրադարձություններին, կորոնավիրուսային քաղաքականությանը և մասնավորապես համավարակի դեմ պայքարը տապալելու առիթով հարուցված քրեական գործին:
Ղազինյանը մասնավորապես նշել է՝
Երբևէ Հայաստանում չի եղել այնպիսի իրավիճակ, երբ առողջապահության նախարարության և առհասարակ, առողջապահության քաղաքականություն մշակող մարմնի՝ ՀՀ կառավարության սխալ, ոչ հաշվարկված, չհիմնավորված և խիստ սուբյեկտիվ հիմքերի վրա դրված քաղաքականության հետևանքով արձանագրվի Հայաստանի Հանրապետության 1100 քաղաքացու մահ։
Ինչ խոսք, կորոնավիրուսը նոր երևույթ է, սակայն բազմաթիվ երկրներ ճիշտ, ժամանակին և համարժեք գործողությունների արդյունքում կարողացան կանխել շատ մարդկանց մահեր։ Յուրաքանչյուր մահվան դեպքում անհրաժեշտ է հետաքննություն անցկացնել, որպեսզի պարզեն արդյոք առկա՞ է եղել միջամտություն, թե՞ ոչ, որպեսզի պարզեն հնարավո՞ր էր արդյոք փրկել տվյալ մարդու կյանքը, թե՞ ոչ, ի՞նչպիսի հանգամանքներում է վրա հասել մահը և ամենակարևորը՝ պատրա՞ստ է եղել արդյոք առողջապահական համակարգն այսքան մեծ թվով վարակակիրներ ընդունելու։
Սրանք քրեական գործի հարուցման հիմքեր են հանդիսանում և մեր իրավական համակարգը չպետք է սպասեր, որպեսզի որևէ անձ կամ քաղաքական ուժ ներկայացներ հաղորդում հանցագործության մասին։
Մինչդեռ, ինչ տեղի ունեցավ, մենք ներկայացրեցինք հաղորդում հանցագործության մասին Հատուկ քննչական ծառայություն և դատախազություն՝ հիմքը նշելով կորոնավիրուսի դեմ պայքարը տապալելու փաստը։
Այսինքն, մենք արդեն արձանագրել ենք, որ տեղի է ունեցել համավարակի դեմ պայքարը տապալելու փաստ։ Դիմեցինք այդ փաստով քրեական գործ հարուցելու՝ ՀՔԾ-ն մերժեց մեր հաղորդումը, բողոքարկեցինք դատախազություն, դատախազությունն էլ մերժեց: Մենք մի քանի օր առաջ արդեն բողոքարկել ենք այդ մերժման որոշումը դատարան՝ պահանջելով վերացնել մերժման որոշումը և հարուցել քրեական գործ։
Հոդվածը, որ մենք ներկայացրել ենք վերաբերում է մարդկանց կյանքի և առողջության համար կենսական վտանգ ներկայացնող տեղեկատվությունը թաքցնելու և աղավաղելու փաստին, ինչը կատարվել է նման տեղեկատվությունը տրամադրելու պարտավորություն ունեցող անձանց կողմից։
Երկրորդ մասը վերաբերվում է ոլորտի պատասխանատուին, ինչը հանգեցրել է մահ կամ ծանր հետևանքներ, այսինքն սա ընդհանուր համալիր մի քրեական գործ է, որի հարուցման պարագայում 1100 մարդու իրավահաջորդներ անխուսափելիորեն դառնալու են տուժողի իրավահաջորդներ և ստանալու են դատավարական կարգավիճակ, օրենքով իրենց տրված իրավունքներով և օրինական շահերով։
Ես ձեզ հավաստիացնում եմ այս քրեական գործը հարուցվելու է: Հարուցվելու է և դառնալու է Նյուրենբուրգյան դատավարությանը համարժեք քրեական գործ, այսպիսի քրեական գործ Հայաստանի պատմության մեջ երբևէ չի եղել։
Ես սա ասում եմ, քանի որ մենք ունենք անհերքելի փաստական տվյալներ: Ինձ համար իրականում սպասել էր և մի կողմից էլ՝ անհասկանելի էր քրեական գործի մերժումը: Ինչու՞ մերժվեց գործի հարուցումը, քանի որ սա, միանշանակ, քաղաքական որոշում է: ՀՔԾ ներկայացրած մեր հաղորդմանը ծանոթ ցանկացած իրավաբան կամ քննչական, դատախազական փորձ ունեցող ցանկացած մասնագետ կասի, որ քրեական գործ հարուցումն անեկբա է։
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Наапетян: выборы превращаются в референдум — за «кандидата Азербайджана» или против
Когда дети становятся частью пропаганды: «невинный разговор» или?... «Паст»
Региональные «экскурсии» Пашиняна проходят на полупустых улицах: «Паст»
