Հրաժարվելու ենք ԱԺ-ի կայուն մեծամասնության մեխանիզմից. քննարկվում է ընտրական տարիքի շեմը 18-ից իջեցնելու հարցը. Դանիել Իոաննիսյանը՝ ընտրական համակարգի փոփոխությունների մասին
Ընտրական բարեփոխումների հանձնաժողովը փետրվարի վերջից նիստեր է գումարել: Միայն երկու հարց կա, որոնց վերաբերյալ ձևավորված դիրքորոշում կա, մնացածը դեռևս քննարկման փուլում են: Մի հարցն այն է, որ խորհրդարանական հանրապետություն ենք ունենալու, և երկրորդ՝ հրաժարվելու ենք կայուն մեծամասնության մեխանիզմից: Այս մասին ընտրական համակարգի փոփոխությունների վերաբերյալ քննարկման ընթացքում հայտարարեց Սահմանադրական բարեփոխումների մասնագիտական հանձնաժողովի անդամ Դանիել Իոաննիսյանը:
Նա նշեց, որ ընտրական իրավունքի և իշխանության ձևավորման հետ կապված մի շարք հարցեր կան, որոնք հանձնաժողովի օրակարգում են: «Դրանցից մեկը վերաբերում է ընտրելու իրավունքի տարիքին, հաջորդը՝ հանրապետության նախագահի ընտրության մեխանիզմին, մյուսը՝ հանրաքվեների մեխանիզմին»,-նշեց նա՝ հավելելով, որ վերջին բլոկը, որը բավականին կարևոր է, Կառավարության ձևավորումն է կայուն մեծամասնությունից հրաժարվելու դեպքում:
«Ներկայիս Սահմանադրությունն ու Ընտրական օրենսգիրքը ենթադրում են, որ ընտրությունների արդյունքում խորհրդարանն ունենալու է կայուն մեծամասնություն, ըստ այդմ՝ Կառավարության ձևավորման խնդիրներ չեն լինում: Այժմ քննարկման հարց է, թե եթե հրաժարվում ենք կայուն մեծամասնության երաշխավորումից, ինչպես է ձևավորվելու Կառավարությունը»,-նշեց Իոաննիսյանը:
Նրա տեղեկացմամբ՝ ընտրական տարիքի վերաբերյալ քննարկվում է երեք հնարավոր սցենար. «Առաջին՝ թողնվում է այնպես, ինչպես կա. այսինքն՝18 տարեկան, ես այդ սցենարի կողմնակիցը չեմ: Սցենարներից մյուսի համաձայն՝ տարիքն իջեցվում է 16 կամ 17 տարեկան, ըստ երրորդ սցենարի՝ ազատություն է տրվում օրենսդիր մարմնին, և վերջինս կարող է որոշել, թե որ ընտրություններում ինչ տարիքային շեմ սահմանի»:
Իոաննիսյանն ընդգծեց, որ Հայաստանի մասով պետք է մի քանի բան հաշվի առնել՝ ՀՀ-ում 16 տարեկանից քաղաքացուն տրվում է ընտանիք կազմելու, աշխատելու և հարկեր վճարելու, հավաքների մասնակցելու իրավունք, և այդ ամենով հանդերձ ինչո՞ւ քաղաքացին չպետք է ունենա ընտրությունների միջոցով իշխանության ձևավորմանը մասնակցելու իրավունք:
«Դեռ ոչ վաղ անցյալում՝ 2018-ի ապրիլին, հենց այդ տարիքային խմբի երիտասարդները փողոց փակելով անմիջապես մասնակցություն ունեցան իշխանության ձևավորմանը: Եթե իրենք դա կարող են անել փողոց փակելով, ինչո՞ւ չեն կարող անել քվեաթերթիկի վրա»,-ասաց նա:
Выполняя требования агрессора, мира не достичь. Аршак Карапетян
Армения оказалась на грани исторической катастрофы․ Аршак Карапетян
Бывшие руководители Словакии требуют от Никола Пашиняна прекратить политические преследования и давл...
Когда союзников не осталось: цена и последствия полной изоляции. Аршак Карапетян
«Сила одного драма» - благотворительной общественной организации «Орран»
Moody’s изменило прогноз по рейтингам IDBank на позитивный
Мы не хотим, чтобы сатана, пришедший к власти, судил христиан за их поступки
«Срочно подтвердите данные карты»: IDBank предупреждает о мошенничестве с бронированием отелей
Подведены итоги очередного этапа Junius: впереди новый этап
День благодарности клиентам - на этот раз в филиале IDBank «Эребуни»
