Ռոբերտ Սարգսյանը կիրակի օրը հանդիպել է Ավանի մի շարք թաղամասերի բնակիչների հետ

Թիվ 1 ընտրատարածքում Հանրապետական կուսակցության կողմից ռեյտինգային ընտրակարգով առաջադրված Ռոբերտ Սարգսյանը շարունակում է տարբեր ձևաչափերով նախընտրական հանդիպումները:

Հերթական հանդիպումը Ավան վարչական շրջանի Թումանյան, Իսահակյան, Քուչակ թաղամասերի բնակիչների հետ էր, որին մասնակցում էին ինչպես արդեն իրենց ընտրության մեջ կողմնորոշված, Ռոբերտ Սարգսյանին երկրորդ անգամ վստահության քվե տալու պատրաստ բնակիչներ, այնպես էլ նախընտրական քարոզարշավին հետևող, սակայն դեռևս վերջնական որոշում չկայացրած քաղաքացիներ:
Պատգամավորության թեկնածուի հետ հարց ու պատասխանի շրջանակում մասնակիցներից մեկը հետաքրքրվել է, թե անցած տարիներին որպես պատգամավոր Ռոբերտ Սարգսյանի կողմից կազմակերպվող քաղաքացիների ընդունելությունների ժամանակ արդյոք նախապես ճշտվե՞լ են, թե ընդունելության մասնակցողը ում է ընտրել և դա որևէ ազդեցություն ունեցե՞լ է տվյալ անձի բարձրացրած խնդրին լուծում տալու հարցում:

«Այն, որ անցած 4,5 տարիների ընթացքում իմ դուռը միշտ բաց է եղել մեր բնակիչների համար, բոլորդը գիտեն: Ու երբ եկել են ընդունելության, երբևիցե չեմ հարցրել, թե ում է ընտրել: Ի՞նչ կապ ունի, թե մարդը ում է ընտրել:Թեկուզ ի՛նձ չի ընտրել, բայց չէ՞ որ այս տարածքի բնակիչն է, որտեղից ես ընտրվել եմ պատգամավոր ու եթե մարդը դիմել է, որ իրեն օգտակար լինեմ, ուրեմն պարտավոր եմ օրենքի շրջանակում լուծել նրա բարձրացրած հարցը», - նշել է Ռոբերտ Սարգսյանը:

Թեկնածուն նաև նկատել է, որ յուրաքանչյուր խնդիր, լինի մեծ թե փոքր, միայնակ լուծել, եթե նույնիսկ անհնար էլ չէ, ապա շատ դժվար է, առավել ևս, երբ խոսքը երկրի շարունակական զարգացումն ապահովելու մասին է,- «Մեկս ծառկ տնկի, մյուսը ՝կջրի, մեկ ուրիշը նստարան կտեղադրի, մյուսն էլ կնայի, որ նստարան ըչկոտրեն: Այսինքն, բոլորիս համատեղ ուժերով պետք է ապահովենք զարգացումը, քանի որ բոլո՛րս ենք մեր երկրի տերը»:

Ռոբերտ Սարգսյանը մեկ անգամ ևս վստահեցրել է, որ այսուհետ էլ շարունակելու է աշխատել, այլ ոչ թե ուղղակի խոստումներ տալ.«Մենք միասին ենք այդ աշխատանքը կատարել: Ինքներդ եք տեսել, որ մենք ոչ թե խոսել ենք, այլ գործ ենք արել: Եվ արել ենք միասին, ձե՛զ հետ, քանի որ մենք մի թիմ ենք: Ու մենք թիմով ենք հզոր, որովհետև մենք Հայաստանի Հանրապետության քաղաքացիներ ենք:Դրա համար էլ հզոր ենք»: