«Էյ–Ի–Ջի սերվիսում» անտեղյակության մթնոլորտ է. «Փաստ»
«Փաստ» օրաթերթը գրում է.
Բնակիչների ստվար մասը մինչ օրս այդպես էլ չի հասկանում, թե իրականում ինչի համար է տարին երկու անգամ գազի սպասարկման գումար վճարում: Բոլորն ընդամենը գիտեն, որ գոյություն ունի «Էյ–Ի –Ջի սերվիս» անունով մի ընկերություն, որը ներտնային գազասպառման համակարգի տեխնիկական սպասարկման ծառայություն է իրականացնում: Այսինքն՝ այդ ընկերության աշխատակիցները տարին երկու անգամ իրենց պարտքն են համարում այցելել բնակարաններ, ստուգել փականները, ինչ–որ թղթեր լրացնել և այդքան բան: Մենակ այցելության ժամանակ ընկերության աշխատակիցներն իրազեկում են, որ երբ օրինակ՝ գազօջախի կամ բնակարանի ջեռուցման համակարգի հետ կապված որևէ խնդիր լինի անմիջապես հարկավոր է իրենց ահազանգել, բայց պարզվում է, որ որևէ անսարքություն վերացնելու համար բնակիչը պետք է հավելյալ գումար վճարի նույն այդ ընկերության ներկայացուցչի ծառայությունների համար:
«Փաստի» խմբագրություն ահազանգած քաղաքացու տան գազի ջեռուցման համակարգի տեխնիկական թերությունը վերացնելու համար, ընկերության կողմից ներկայացած անձը քաղաքացուն հեռախոսով ասել է, որ պետք է լրացուցիչ 5000 դրամ գումար վճարի: Բաժանորդը ընկերության անունից ներկայացած անձից փորձել է պարզել, թե ինչու պետք է լրացուցիչ գումար վճարի, երբ առանց ծառայությանը «նեղություն» տալու տարիներով սպասարկման վարձ է վճարել և հրաժարվել է ընկերության ծառայությունից:
«Էյ–ի–Ջի սերվիս» ընկերության բաժանորդների սպասարկման ծառայության վարչության պետ Վահագն Բաղդասարյանը «Փաստի» հետ զրույցում ասաց, որ ընկերության կողմից մատուցվող ծառայություններն անվճար են, քանի որ բնակիչը տարին երկու անգամ սպասարկման վարձ է վճարում:
«Ընկերությունը տարին երկու անգամ պլանային սպասարկում է իրականացնում, սակայն միայն դրանով չի սահմանափակվում մեր կողմից մատուցվող ծառայությունը: Մեր մասնագետները բացի պլանային սպասարկում իրականացնելուց, բաժանորդների կողմից ահազանգելու դեպքում, սպասարկում են նաև արտապլանային կանչերը: Դա համարվում է լրացուցիչ սպասարկում, որը կրկին իրականացվում է անվճար: Եթե գազով աշխատող որևէ սարք խնդիր է ունենում և անհրաժեշտ է լինում այս կամ այն սարքի որևէ պահեստամաս փոխել, այդ ժամանակ մեր ընկերության ներկայացուցիչը բաժանորդին ասում է, թե ինչ մաս է հարկավոր փոխել, որտեղից այն կարող են ձեռք բերել: Այսինքն, պահանջվող պահեստամասը ձեռք բերելու համար է միայն բաժանորդը գումար վճարում, իսկ դրա տեղադրումը կրկին անվճար է իրականացվում: Ի դեպ, բնակիչը կարող է ինչպես ինքնուրույն ձեռք բերել պահանջվող պահեստամասը, այնպես էլ մեր աշխատակցի միջոցով այն ձեռք բերի, սակայն աշխատակիցը պարտավոր է գնման կտրոնը ներկայացնել բաժանորդին: Փոխելու ենթակա պահեստամասը տեղադրելը նույնպես անվճար է կատարվում, մեր աշխատակցի կողմից»,– ասաց Վ. Բաղդասարյանը:
Հավելենք, որ պաշտոնական այս պատասխանն իրականում որևէ աղերս չունի իրականության հետ: Եվ գազով աշխատող ջեռուցման համակարգերի թերությունները վերացնելու համար ընկերության մասնագետների կողմից լրացուցիչ գումար պահանջելու այս դեպքն էլ միակը չէ: Եթե ընկերությունում այդ մասին չգիտեն, ապա դա խոսում է երկու բանի մասին. կա՛մ լավ էլ գիտեն, թե ինչն–ինչոց է, բայց աչք են փակում դրա վրա, կա՛մ էլ այնքան կտրված են իրականությունից, որ չեն էլ իմանում, թե իրենց կառույցում ով ինչով է զբաղված:
Երկու դեպքում էլ ընկերության տնօրինությունը մտածելու առիթ ունի, քանի որ իրենց աշխատակիցների կողմից տարին երկու անգամ ձևական այցելությունը դեռ չի նշանակում, որ ընկերությունը ինչ–որ ծառայություն է մատուցում: Բնակիչների կողմից վճարվող «սպասարկման վարձ» ասվածի մի ստվար մասն էլ, ամենայն հավանականությամբ, ծախսվում է ուռճացված ապարատ պահելու, ղեկավար անձնակազմին սպասարկող մեքենաների բենզինի և այլ ներկայացուցչական ծախսերի վրա, իսկ տներում տեղադրված գազի սարքավորումների հետ կապված խնդիրները լուծելը, պարզվում է նրանց համար այնքան էլ կարևոր չէ:
Շարունակությունը` «Փաստ» օրաթերթի այսօրվա համարում:
Экологическая «революция» в Сюнике: как удалось избавить деревни от заботы о дровах? «Паст»
Газ подорожает, а сельхозпродукция станет дороже золота. «Паст»
Летняя жара, Ереван без воды и «священная» ценность рукопожатия с Макроном. Катастрофические провалы...
Вопрос об аресте Чалабяна дошел до Европейского парламента: «Паст»
Молдавские уроки: почему правительство Армении не уходит? «Паст»
Почему стало модно «отчитывать» оппозицию, и чего на самом деле ожидает общество? «Паст»
Нет мандата, «выданного народом»: «Паст»
Размик Марукян стал обладателем бронзовой медали XV Международного конкурса артистов балета
В ответ на правовую борьбу — политическая расправа и арест. «Паст»
Ucom представляет новый региональный пакет uMix 5000: 3 услуги всего за 5000 драмов в месяц
