«Հրապարակ». ԱԱԾ-ից կադրերի հոսքը շարունակվում է
«Հրապարակ» թերթը գրում է. «Մենք հուլիսի 4-ին լուր էինք հրապարակել՝ «ԱԱԾ բարձրաստիճան պաշտոնյաներ են դիմում գրել» վերնագրով։ Ներկայացրել էինք, որ «Ազգային անվտանգության ծառայությունից արտահոսքի նոր ալիք է սկսվել։ Աշխատանքից ազատվելու դիմում է գրել ԱԱԾ տնօրենի տեղակալ Ռոբերտ Բազիկյանը, ով համակարգում էր ներքաղաքական անվտանգության խնդիրները։ Նրա հետ միասին դիմում է գրել նաեւ Սահմանադրական կարգի պահպանության եւ ահաբեկչության դեմ պայքարի դեպարտամենտի ղեկավարը՝ Նարեկ Պողոսյանը։
Այս դեպարտամենտի աշխատանքները գտնվում էին Բազիկյանի համակարգման ներքո։ Սրանք համարվում են ԱԱԾ ամենակարեւոր պաշտոնները։ Մենք տեղեկացանք, որ նրանք վաղուց՝ դեռ Արգիշտի Քյարամյանի նշանակվելուց անմիջապես հետո են մտադիր եղել դիմումներ գրելու, սակայն չեն գրել, որ չստացվի, թե սաբոտաժ են անում եւ կառույցի աշխատանքները միտումնավոր տապալում։ Մեր տեղեկություններով, սրանով չի ավարտվելու ԱԱԾ-ականների արտահոսքը՝ շղթայական ռեակցիա է գնալու»։
Գրել էինք նաեւ, որ ԱԱԾում այնքան է բարդացել աշխատելը, որ անգամ «բարձր պաշտոններում ոչ մեկը չի ուզում աշխատել, եւ թափուր հաստիքները լրացնելու խնդիր ունեն»։ Երեկ Հ Հ նախագահ Արմեն Սարգսյանը հրամանագիր է ստորագրել․ «Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաեւ «Ազգային անվտանգության մարմիններում ծառայության մասին» օրենքի 18-րդ հոդվածի 2-րդ մասի եւ 47-րդ հոդվածի 1-ին մասի 2-րդ կետի, Ռոբերտ Բազիկյանին ազատել Հայաստանի Հանրապետության ազգային անվտանգության ծառայության տնօրենի տեղակալի պաշտոնից եւ արձակել ծառայությունից»:
Աշխատանքից ազատվել է նաեւ Սահմանադրական կարգի պահպանության եւ ահաբեկչության դեմ պայքարի դեպարտամենտի ղեկավարը՝ Նարեկ Պողոսյանը։ Երեկ տեղեկացանք, որ ԱԱԾ-ից նոր դիմումներ կան։ Մասնավորապես, աշխատանքից ազատվելու դիմում է գրել նաեւ ԱԱԾ Արմավիրի վարչության պետը՝ Արթուր Դաշյանը»:
Առավել մանրամասն՝ թերթի այսօրվա համարում
Экологическая «революция» в Сюнике: как удалось избавить деревни от заботы о дровах? «Паст»
Газ подорожает, а сельхозпродукция станет дороже золота. «Паст»
Летняя жара, Ереван без воды и «священная» ценность рукопожатия с Макроном. Катастрофические провалы...
Вопрос об аресте Чалабяна дошел до Европейского парламента: «Паст»
Молдавские уроки: почему правительство Армении не уходит? «Паст»
Почему стало модно «отчитывать» оппозицию, и чего на самом деле ожидает общество? «Паст»
Нет мандата, «выданного народом»: «Паст»
Размик Марукян стал обладателем бронзовой медали XV Международного конкурса артистов балета
В ответ на правовую борьбу — политическая расправа и арест. «Паст»
Ucom представляет новый региональный пакет uMix 5000: 3 услуги всего за 5000 драмов в месяц
