Վարչապետը շարունակում է կառչած մնալ մենեջերի իր կերպարին և ոչ մի քայլ չի անում քաղաքական գործչի վերածվելու համար. «Փաստ»
«Փաստ» օրաթերթը գրում է.
Մեր հյուրն է քաղաքական տեխնոլոգ Արմեն Բադալյանը
– Պարոն Բադալյան, ինչպիսի՞ն էր քարոզարշավի առաջին օրվա ձեր տպավորությունը:
– Շատ սովորական էր, որևէ արտառոց բան չկար նրանում: Բոլոր կուսակցությունները, ովքեր մասնակցում են քարոզարշավին, ըստ իրենց հայեցողության ու պատկերացումների տեսահոլովակներ էին պատրաստել և դրանք ներկայացնում են ԶԼՄ–ներով: Այնպես որ, շատ սովորական քարոզարշավ էր, որը մենք նախկինում բազմաթիվ անգամ ենք տեսել:
– Համենայն դեպս, նոր մոտեցումներ քաղաքական ո՞ր ուժի մոտ նկատվեց:
– Ոչ ոքի մոտ էլ նոր մոտեցում չկար, որովհետև նոր մոտեցումը քարոզարշավի ժամանակ չի լինում: Քարոզարշավը բավականին ստանդարտ միջոցառում է, որն ունի իր կանոնները: Բնականաբար այդ կանոններին էլ հետևում են ընտրարշավին մասնակցող ուժերը: Ամեն մեկն այն գործոնը, որ ցանկանում է դնել շրջանառության մեջ, այդ գործոնն էլ դնում է:
Հայաստանի Հանրապետական կուսակցության մոտ դա վարչապետն էր: Հայ Ազգային Կոնգրեսի մոտ խաղաղության թեման էր: Ծառուկյան դաշինքի մոտ Գագիկ Ծառուկյանն էր և` այսպես շարունակ: Յուրաքանչյուրն իր հիմնական նյութը խաղարկեց, որպեսզի ընտրողների ձայները գրավի:
– Անդրադառնանք հանրապետականին. տեսահոլովակում երևացին սպորտսմենները և երևաց վարչապետը, որը հարվածային գործիքներ էր նվագում: Սիմվոլները պատահական չեն. նրանց շեշտադրումը միայն սպորտի, արտաքին էֆեկտների վրա՞ է արվելու: Համենայն դեպս, ինտելեկտուալ մասը չերևաց, մտավոր ներուժ ներկայացնող ծանրակշիռ որևէ բան նրանք չմատնանշեցին: Այս ամենը պատահակա՞ն էր:
– Ոչ: Որովհետև ծանրակշիռ բան չունեն, որ ցույց տան: Հանրապետականի կառավարման ժամանակներում Հայաստանից տեղի է ունեցել մի քանի հարյուր հազար մարդու արտագաղթ, տնտեսական անկում, աղքատության ավելացում, արտաքին քաղաքականության մեջ` անհաջողություններ բոլոր ճակատներում: Բնականաբար նրանք մտավոր ձեռքբերում կամ ինչ–որ հաղթանակ ցուցադրող որևէ գործոն չունեն: Այդ իսկ պատճառով կատարում են զգացմունքային շեշտադրումներ: Այն է` երգ–ուրախություն, սպորտսմեններ, վարչապետի գործոն:
Մինչդեռ, երբ վարչապետը եկավ ու ստանձնեց իր պաշտոնը, բավականին դրական սպասումներ առաջացրեց հասարակության մոտ: Որովհետև քաղաքական դաշտը լճացած էր, իսկ հանրապետականի մոտ էլ որևէ այլ թեկնածու չկար: Սակայն դրական այդ սպասումներն այս պահի դրությամբ արդեն այնպիսին չեն, ինչպիսին նրա պաշտոնավարման սկզբին էին: Նա չկարողացավ ժողովրդի այդ սպասումները նյութականացնել ու առարկայական հաջողություններ գրանցել:
Սակայն այնուամենայնիվ ,ճիշտ է, փոքր, բայց դեռ վարչապեն ինչ–որ վարկանիշ ունի` համեմատած այս կուսակցության մյուս անդամների հետ: Այդ իսկ պատճառով հենց վարչապետի գործոնն է շրջանառության մեջ դրվում: Եվ` ոչ այլ բան:
Ի դեպ, ասեմ, որ վարչապետն էլ այս պահի դրությամբ շարունակում է կառչած մնալ մենեջերի իր կերպարին և ոչ մի քայլ չի անում քաղաքական գործչի վերածվելու համար: Բնականաբար սա ազդում է քարոզարշավի տեսահոլովակի որակի վրա, քանզի վարչապետի որևէ քաղաքական գործունեություն չեն կարող ցուցադրել:
– Իսկ սերնդափոխության միտում նշմարվո՞ւմ է: Որովհետև փոփոխությունների մասին են խոսում: Իսկ հին կադրերով, ովքեր ունեն արդեն կարծրացած իրենց մտածողությունը, ի՞նչ փոփոխություններ կարող են լինել:
– Փոփոխությունը քարոզարշավի ժամանակ չեն կատարում: Փոփոխությունը կատարում են մինչև քարոզարշավն ընկած ժամանակահատվածում: Իսկ առ այսօր սերնդափոխության ոչ մի միտում չկա: Բոլոր գործիչներն իրենց տեղերում մնացել են, շատ–շատ եղել է պաշտոնների փոխատեղում: Դա է պատճառը, որ Հանրապետական կուսակցությունը քարոզարշավի ժամանակ ստիպված է շեշտը դնել զգացմունքային կողմի վրա, ուրախ երգ ու պարի վրա: Որովհետև իրականում ոչինչ չունի ցույց տալու:
– Փաստորեն` կյանքը ուրախ, ապրուստը` ձրի մեր երկրում: Ի՞նչ է եղել որ…: Մոտավորապես` այս տարբերակով:
Շարունակությունը` «Փաստ» օրաթերթի այսօրվա համարում:
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
