Իշխանության պրիմիտիվ փաստարկները ավելի են բացահայտում նրանց վախերը
«Բարգավաճ Հայաստան կուսակցությունը իրեն դիրքավորում է որպես հինգերորդ շարասյուն», - երեկ հայտարարել է Անվտանգության խորհրդի քարտուղար Արմեն Գրիգորյանը` ընդգծելով, որ Գագիկ Ծառուկյանի գլխավորությամբ գործող քաղաքական ուժը նպատակ ունի հասնել նախկին հանցավոր իշխանությունների վերարտադրությանը:
Ավելորդ եմ համարում արձանագրել, որ կարճ հայտարարության ընթացքում գործող իշխանության ամենագաղջ դեմքերից մեկը միանգամից մի քանի մանիպուլյացիա է թույլ տվել։
Օրինակ՝ ո՞րն է «հինգերորդ շարասյան» իշխանության բանաձևը կամ ո՞ր երկրին է Նիկոլ Փաշինյանը մեղադրում հայաստանյան ընդդիմությանը ֆինանսավորելու, աջակցելու մեջ։ Եթե այս հարցերի պատասխանները Գրիգորյանը կամ որևէ մեկը չեն տալիս, ապա նրանց հայտարարությունները միանգամից դառնում են մերկապարանոց։ Ընդդիմությանն անվանարկելու համար կարելի է հազար ու մի պատճառ գտնել։
Մյուս կողմից՝ ինչպես Նիկոլ Փաշինյանն էր ասում, յուրաքանչյուրը դատում է իր փչացվածության աստիճանից ելնելով։ Օրինակ՝ Գրիգորյանն ու նրա շատ ընկերներ տարիներ շարունակ սեփական օրակարգ չեն ունեցել ու ֆինանսավորվել են Սորոսի կամ այլ օտար հիմնադրամներից ու նրանց թերևս թվում է՝ առանց դրսի փողերի հնարավոր չէ որևէ գործունեություն ծվալել։
«Նախկին հանցավոր իշխանության» դեմ անխոջ պայքարը այս իշխանության հիմնական թրենդն է։ Նախկինների հանդեպ հասարակության ունեցած ֆոբիան նրանք օգտագործում են՝ ցանկացած ընդդիմախոսություն լռեցնելու նպատակով։ Նույնը անում են ԲՀԿ-ի պարագայում՝ թեև բանական ցանկացած մարդ հասկանում է, որ Ծառուկյանի վերջին ելույթում նախկինի ռեստվրացիայի ակնարկ անգամ չի եղել։
Փաշինյանի թիմի «կարկառուները» չեն էլ հասկանում, որ երբ մտացածին կապեր են փնտրում խորհրդարանական երկրորդ ուժի ու նախկինների միջև, կասկածի տակ են դնում հեղափոխության արժեքների կապիտալիզացիան։
Իշխանության պրիմիտիվ փաստարկները ավելի են բացահայտում նրանց վախերը։
Тотально используя административный ресурс, он «ненавидит» административный ресурс? «Паст»
Великая Победа и великий подвиг армянского народа. Арман Варданян
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
