ԱԺ–ն 270 միլիոն դրամից ավելի գումար կծախսի ցախավել, դռան փական, բենզին, ծաղիկների սերմեր և սոխուկներ գնելու համար. «Փաստ»
«Փաստ» օրաթերթը գրում է.
ԱԺ աշխատակազմի ֆինանսատնտեսական և հաշվապահական հաշվառման բաժնի հաշվարկներով՝ 2017 թվականին ԱԺ–ն պլանավորել է մեկ հատ 168 հազար դրամանոց կողպեք և մեկ հատ էլ 254 հազար դրամանոց դռան փական գնել: Թե ինչ նյութից պետք է դրանք պատրաստված լինեն, որ դռների անվտանգության ապահովման համար են դրանք նախատեսված և ինչ բարդ ֆունկցիաներ պետք է ունենան՝ հայտնի չէ, բայց փաստորեն խորհրդարանի կարիքների համար 422 հազար դրամ գումար կծախսվի այդ երկու ապրանքը գնելու համար:
Տարվա ընթացքում բանավոր և գրավոր թարգմանություններ կատարելու համար ԱԺ–ն նախատեսում է ծախսել 3–ական մլն դրամ, իսկ գրքերի տպագրության համար ընթացիկ տարում կծախսվի 25 մլն 856 հազար դրամ:
Տեղեկատվական ցանցի տեղադրման, սպասարկման և համակարգչային ցանցի կառուցման, ինչպես նաև շենք–շինության ընթացիկ նորոգման աշխատանքներ իրականացնելու վրա ծախսելու է 12–ական մլն դրամ:
1 մլն 800 հազար դրամ էլ կտրամադրվի ծաղիկների սերմեր և սոխուկներ գնելու համար: Մոտ 25 մլն դրամ կհատկացվի ավտոմեքենաների պահեստամասեր գնելու, իսկ 17 մլն դրամ էլ՝ ավտոմեքենաների վերանորոգման ծառայություններից օգտվելու համար:
Տեղային հեռախոսային ծառայությունների համար կծախսվի 10 մլն, իսկ մոտ 26 միլիոն էլ՝ բջջային հեռախոսների ծառայություններից օգտվելու համար: Տեղային և բջջային ծառայություններից բացի, ԱԺ–ն գումար է հատկացրել նաև միջքաղաքային հեռախոսային ծառայություններից օգտվելու համար: Այդ նպատակով նախատեսվում է ծախսել 12 մլն դրամի չափ գումար:
Մոտ 87 մլն դրամ կհատկացվի ռեգուլյար, իսկ մոտ 12 մլն դրամ էլ սուպեր տեսակի բենզին գնելու համար, իսկ գազի բաշխման դիմաց խորհրդարանը նախատեսում է ծախսել 35 մլն դրամ գումար:
Մեկ փոխադրամիջոցի ապահովագրական ծախսերը հոգալու համար ԱԺ–ն նախատեսում է վճարել մոտ 4 միլիոն դրամից ավելի գումար, բայց այդ ահռելի գումարի դիմաց ինչպիսի ապահովագրական փաթեթ է նախատեսված ներկայացնել՝ հայտնի չէ:
Ամենազավեշտալին, սակայն, ԱԺ գնումների պլանով նախատեսված ցախավելի պահանջարկն էր: Պարզվում է այս տարվա ընթացքում 1700 դրամով 200 հատ ցախավել կգնեն ԱԺ–ում, որի համար պատրաստ են վճարել ոչ ավել, որ պակաս՝ 340 հազար դրամ գումար:
Շարունակությունը` «Փաստ» օրաթերթի այսօրվա համարում:
Выполняя требования агрессора, мира не достичь. Аршак Карапетян
Армения оказалась на грани исторической катастрофы․ Аршак Карапетян
Лидер Движения «Всеармянский фронт» Аршак Карапетян проведёт пресс-конференцию на тему «События на Ю...
Бывшие руководители Словакии требуют от Никола Пашиняна прекратить политические преследования и давл...
День благодарности клиентам - на этот раз в филиале IDBank «Эребуни»
Мы не хотим, чтобы сатана, пришедший к власти, судил христиан за их поступки
Когда союзников не осталось: цена и последствия полной изоляции. Аршак Карапетян
«Сила одного драма» - благотворительной общественной организации «Орран»
Moody’s изменило прогноз по рейтингам IDBank на позитивный
«Срочно подтвердите данные карты»: IDBank предупреждает о мошенничестве с бронированием отелей
