Պատգամավորին վրաերթ չի կատարել եւ բռնության սպառնալիքներ չի հնչեցրել. պաշտպանը Վերաքննիչ բողոք կներկայացնի
«Հայկական արժեքների պաշտպանության կամք» հասարակական նախաձեռնության անդամ Արթուր Ալեքսանյանի պաշտպան Էմին Բեգլարյանը պատրաստվում է բողոքարկել նրան 2 ամսով կալանավորելու որոշումը։ NEWS.am-ի հետ զրույցում փաստաբանը ասաց, որ աշխատում է բողոքարկման դիմումի վրա եւ ավարտելուն պես այն կներկայացնի ՀՀ Վերաքննիչ քրեական դատարան:
Հիշեցնենք՝ Արթուր Ալեքսանյանը կալանավորել է պաշտոնյայի նկատմամբ բռնություն գործադրելու սպառնալիքի գործով․տուժող է ճանաչվել ԱԺ «Իմ քայլը» խմբակցության պատգամավոր Նիկոլայ Բաղդասարյանը։
Պաշտպանական կողմը գտնում է, որ մեղադրանքն անհիմն է եւ ապօրինի քրեական հետապնդում է իրականացվել Արթուր Ալեքսանյանի նկատմամբ:
«Առհասարակ չէր կարող 316 հոդվածի հատկանիշներով քրեական գործ հարուցվել, առավել եւս այդ գործի շրջանակներում ձերբակալվել եւ կալանավորել,, քանի որ քրեական օրենսգրքի 316-րդ հոդվածի 3-րդ մասը հստակ սահմանում է, թե իշխանության ներկայացուցիչ ով կարող է հանդիսանալ: Ըստ էության իշխանության ներկայացուցիչ կարող է հանդիսանալ պետական կամ տեղական ինքնակառավարման այն անձը, ով որ ծառայության շրջանակներից դուրս սահմանված կարգով ունի կարգադրիչ լիազորություններ: Այս դեպքում ԱԺ պատգամավորը որեւէ կարգադրիչ լիազորություն չունի, այսինքն չի կարող հասարակ քաղաքացիների խմբին որեւէ իրավաչափ պահանջ ներկայացնել: Ըստ էության վարույթն իրականացնող մարմինը փորձում է մեկնաբանել, որ քանի որ ԱԺ-ն մեր օրենսդիր մարմինն է, օրենսդիր մարմնի ներկայացուցիչն էլ հանդես է գալիս որպես իշխանության ներկայացուցիչ, սակայն դա այդպես չէ»,-ասաց պաշտպանը:
Անդրադառնալով միջադեպին` փաստաբանն ասաց, որ Արթուր Ալեքսանյանը չի ընդունում իրեն առաջադրված մեղադրանքը. «Նա չի հերքում, որ հեծանիվով է եղել, բայց վրաերթ չի կատարել եւ բռնության սպառնալիքներ չի հնչեցրել»:
Հիշեցնենք, որ «Կամք» նախաձեռնության անդամ Արթուր Ալեքսանյանը ձերբակալվել էր մայիսի 13-ին պատգամավոր Նիկոլայ Բաղդասարյանի հաղորդման հիման վրա։ Նշենք, որ Բաղդասարյանը մայիսի 11-ին իրավապահ մարմինների հաղորդել էր, որ Ալեքսանյանը Սահմանադրական դատարանի մոտ ժամը 17։00-17։15 ընկած ժամանակահատվածում փորձել էր իրեն հեծանիվով վրաերթի ենթարկել, իր հասցեին սպառնալիքներ ու հայհոյանքներ էր հնչեցրել։
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
