«Երջանիկ եմ, երբ հարձակվում եմ անկեղծորեն և պաշտպանվում եմ անկեղծությամբ». Անահիտ Բախշյան

Past.am-ը որոշել է քաղաքական գործիչներին մի պահ կտրել քաղաքական թոհուբոհից: Մեր բլից հարցերին պատասխանում է Երևանի ավագանու անդամ Անահիտ Բախշյանը:

- Ձեր օրն սկսվում է...

- Մի բաժակ սուրճ՝ համակարգչի դիմաց:

- Ո՞վ կամ ի՞նչն է Ձեր ոգեշնչման աղբյուրը:

- Իմ ոգեշնչման աղբյուր կարող է լինել ցանկացած փոքրիկ կամ մեծ իրադարձություն, մարդ, ով իմ մեջ թռչելու զգացում է առաջացնում:

- Գեղեցիկը Ձեզ համար...

- Ներդաշնակությունն է:

- Ու՞մ եք դիմում, երբ հուսահատ եք:

- Իմ նախկին աշակերտներին, ովքեր հիմա իմ ընկերներն են:

- Կյանքում երբեք չեք ների...

- Դավաճանությունը:

- Ձեր ամենամեծ հիասթափությունը...

- Չգիտեմ՝ արդյոք արդեն ամենամեծը ապրել եմ, թե ոչ, բայց հիասթափվել եմ, երբ դիմացինը վաճառել է իմ զգացմունքները:

- Մի բան, որի համար շատ եք ափսոսել...

- Ափսոսում եմ կորցնել իմ շուրջը եղած թանկ մարդկանց:

Image may contain: 1 person, smiling, standing and child

- Ձեր կյանքի ամենառոմանտիկ հանդիպումը...

- Եղել է 50 տարի առաջ, երբ հանդիպել եմ իմ ամուսնուն:

- Երբ բարկացած եք...

- Ուզում եմ լեզուս կծել, ատամներս սեղմել:

- Ձեզ հասկանալու համար դիմացինը պետք է...

- Հոգին բաց լինի:

- Եթե լինեիք ամոնազոր...

- Հայաստան պետությունը կդարձնեի արժանապատիվ ապրելու վայր՝ բոլորի համար:

- Հայրենիքը Ձեզ համար...

- Ամեն ինչ է, բայց ոչ բառ:

- Ձեր կյանքի ամենամեծ ձեռքբերումը...

- Իմ սերը:

- Ամենաշատը երազում եք...

- Երազում եմ Հայաստան և Արցախ միությունը:

- Երբեք չեք փորձի...

- Լքել մարդուն, ով իմ կարիքն ունի:

Image may contain: 13 people, people smiling