Արթուր Վանեցյանը քաղաքական կյանք կբերի խաղի նոր և հստակ կանոններ
ԱԱԾ նախկին տնօրեն Արթուր Վանեցյանը մտահոգված է պետական համակարգի և հասարակության զգոնության նկատվող թուլացմամբ, քանի որ, ըստ նրա, պետության համար անվտանգության խնդիրը դեռևս երկար ժամանակ մնալու է առաջնահերթ խնդիր։ Ու թեև կան սխալներ, որոնք կարող են էապես բարդացնել իրավիճակը, իսկ երբեմն՝ դառնալ ճակատագրական, բայց միևնույն ժամանակ, նա հույս է հայտնում, որ գրագետ ու հետևողական քաղաքականության և գործողությունների շնորհիվ կարելի է առկա ռիսկերն էապես նվազեցնել ու կառավարել։
«Պետության անվտանգությունը և կենսական խնդիրների համակարգը չեն կարող կախված լինել մեկ անձի հուզական պոռթկումներից կամ կամակորություններից։ Պետք են քաղաքական, իրավական, բարոյական և ինստիտուցիոնալ հակակշիռներ, ամուր քաղաքացիական հասարակություն։ Կարևոր եմ համարում իշխանությունից դուրս, այսպես կոչված, «անվտանգության բարձիկների» ստեղծումը։ Խոսքը ոչ իշխանական շրջանակների և անձանց կոնսոլիդացիոն միտումների, որոշակի համակարգող կառույցների ձևավորման մասին է, որտեղ կլինեն մարդկային բարձր արժեքների տեր ազնիվ, սկզբունքային, գիտելիք և փորձ ունեցող անձինք»,- համոզված է Վանեցյանը։
Միևնույն ժամանակ նրա կարծիքով կա լավատեսության իրական ռեսուրս, որոնք ազգային ներուժը, համազգային միասնականությունը, համերաշխ և փոխօգնության պատրաստակամ հասարակությունն է։ Վանեցյանը հիմնովին մերժելով հեղափոխականների-հակահեղափոխականների, հների-նորերի, սևերի-սպիտակների բաժանումները, խոստանում է քաղաքական կյանք բերել խաղի նոր և հստակ կանոններ՝ հիմնված իրավունքի գերակայության, հանրային համերաշխության, փոխադարձ հարգանքի և հանդուրժողականության սկզբունքների վրա։
«Лакмусовая бумажка» для оппозиционного поля и избирателей: «Паст»
Только стыд и позор из-за властей: «Паст»
Освещения мероприятия блока «Армения» набрали около 15 миллионов просмотров: «Паст»
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Наапетян: выборы превращаются в референдум — за «кандидата Азербайджана» или против
Кто такой Марио Науфал, которому дал интервью Нарек Карапетян? «Паст»
За два месяца девять лет восполнится? «Паст»
Угроза национальной идентичности армянского народа: «Паст»
Потеря памяти или преднамеренность? «Паст»
