Փորձառու մունետիկներին պետք է բացառել քաղաքական նոր իրականությունից
էլլա Հովհաննիսյանը ֆեյսբուքյան իր էջում գրում է.
Հայաստանյան նոր իրավիճակը բերում է նաև նոր իրողություններ: Եթե օբյեկտիվ գնահատենք նոր դրսևորումները, պետք է փաստենք, որ դրական տեղարժերը շատ են, սակայն, ցավոք սրտի, դրանց զուգահեռ և դրանց համընթաց առկա են նաև բացասական միտումներ: Որոնք, ի դեպ, բավական վտանգավոր են:
Կցանկանայի առանձնացնել մի երևույթ, որին ամենահաճախն ենք ականատես լինում: Ընդհանրապես քաղաքական լարված իրավիճակներում, երբ նշանակալի տեղաշարժեր են կատարվում քաղաքական համակարգի ներսում, բնականոն գործընթաց է, որ տարբեր փորձագետներ և քաղաքագետներ մեկնաբանություններ և կանխատեսումներ են անում՝ փորձելով հասկանալ կամ հուշել, թե տվյալ ուղին ինչ ճանապարհով կարող է տանել պետությունը: Սա նույնիսկ գովելի է, և հենց նման իրավիճակներում է ցայտուն դրսևորվում քաղաքագիտական մտքի պոտենցիալը:
Վտանգավորն այստեղ այն իրողությունն է, որ նախկին ռեժիմների աճեցրած-սնուցած գրպանային փորձագետները, որոնց ամբողջ առաքելությունը իրենց հովանավորող իշխանությունների կամայականություններին քաղաքագիտական հիմք ապահովելն ու դրանք դրական լույսի ներքո մեկնաբանելն էր, նոր իրավիճակում փորձում են այլ ուժերի հասցեին ցեխ շպրտելով, հիմա էլ հարմարվել նոր իրավիճակին: Կարծես թե հիմա էլ խնդիր է դրված ապացուցելու, որ նրանք արդյունավետ գործիք են, և իրենց կարելի է դեռ շահագործել:
Նման կարկառուն փորձագետներից մեկն էլ ինչ-որ ՀԿ-ի նախագահ Նարեկ Սամսոնյանն է, ով ամեն կերպ ցանկանում է երկարաձգել պիտանելիության իր ժամկետը՝ լուրջ դեմքով հարցազրույցներ տալով, որոնցում օրենսդիր անցած ուժերի հասցեին ոչ կոռեկտ հայտարարություններով է հանդես գալիս: Նախկին իշխանական կցորդ-կառույցի ղեկավարը իրեն թույլ է տալիս կեսկատար գնահատականներ հնչեցնել տասնամյակների փորձ ունեցող ԲՀԿ-ի մասին, որը մեր քաղաքական կյանքի ակտիվ դերակատարներից մեկն է: Նշեմ նաև, որ այդ մեղադրանքերն այսօր արդեն այնքան ծիծաղելի են հնչում, որ եզակի խեղկատակ է պետք լինել՝ դրանք ևս մեկ անգամ հնչեցնելու համար:
Սամսոնյանը պատվե՞ր է կատարում, թե՞ պատվիրատուի փնտրտուքներիմ մեջ է, չեմ կարող ասել: Բայց այն, որ նման փորձառու մունետիկներին պետք է բացառել քաղաքական նոր իրականությունից, ավելի քան ակնհայտ է:
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
