Առնետավազքը շարունակվում է, ջրի երես են դուրս եկել ստաժավոր գրանտակերները

Սևակ Հակոբյանը ֆեյսբուքյան իր էջում գրում է.

Առնետավազքը շարունակվում է և ամեն՝ նախկին համակարգում չկայացած բախտն է փորձում նորում իր տեղը գտնելու համար: Առհասարակ քաղաքական իրադարձությունների, ուժերի և գործիչների վերաբերյալ կարծիքներ հայտնելը երբեք ինքնանպատակ չի եղել և հստակ նպատակ է հետապնդել տվյալ փորձագետի, քաղաքակագետ կամ քաղաքական մեկնաբանի համար: Այսօր էլ, իշխանական կերակրատաշտակի վրա տարիներով աչք ունեցած, երբեմն մի պատառիկ դրանից պոկած, «Քաղաքացիական գիտակցություն» ՀԿ նախագահ Նարեկ Սամսոնյանը լրատվականներից մեկի հետ հարցուպատասխանի ժամանակ, անդրադառնալով ԲՀԿ-ԼՀԿ տարաձայնություններին, կարծիք է հայտնել նաև նրանց մասին, որպես քաղաքական ուժ: Տարիներով այս կամ այն քաղաքական ուժիի կամ քաղաքական գործչի համար խոսափող հանդիսացող այս երիտասարդը, հանդգնում է թեմաներից խոսել, ԲՀԿ-ի ինչ-որ մեղադրականնե ներկայացնել այն դեպքում, երբ ամբողջությամբ նրա գործունեությունը հաճախորդի տրամաբանության մեջ է եղել, այսինքն որտեղ հաց, այնտեղ կաց: ԱՅս տեսանկյունից խոսել ինչ-որ սկզբունքներից, իշխանություն կցորդ լինելուց, առնվազն ծիծաղելի է նրա դեպքում: Բացի այդ էլ, տվյալ խոսքերը ԲՀԿ-ի վերաբերյալ այնքան են ծեծվել ու անիմաստ շրջանառվել, առանց որևէ հիմքի ու փաստի, որ դրանք ամբողջությամբ արժեզրկվել են կամ Նարեկի նման կամակատարներն ու հաճախորդները պետք է նոր ինչ-որ սադրանք մտածեն կամ էլ պետք է ընդմիշտ լռեն, հակառակ պարագայում նրանց զազրախոսությունները ոչ այլ ինչ են, քան ընթերցողի ժամանակի վատնում, մտքեր որոնք զուրկ են որևէ բովանդակությունից և ասվում են օդի մեջ: Հուսանք այս տղան այլոց անտեղի վատաբանելու փոխարեն սեփական վարքագիծն ու անսկզբունքայնությունը պետք է վերանայի, թե չէ ստացվում է խոսում և քննադատում է երևույթներ, որոնց ամենակարկառուն կրողներից մեկն էլ հենց ինքն է:
Ո՞վ է այս անգամ պատվեր տվել Նարեկին կամ ինչի՞ համար, այս հարցերի պատասխանները պե՛տք է լրատվականները փնտրեն, ոչ թե տիրաժավորեն գրանտակեր ակտիվիստի անհոդաբաշխ խոսքերը, որոնք զուրկ են տրամաբանությունից: