Լոռու մարզում քաշքշել են նորվեգացի տուրիստին եւ հափշտակել սպորտային պայուսակը
Լոռու մարզում նորվեգացի զբոսաշրջիկին կողոպտած անձանց ոստիկանները հայտնաբերել են ու բերման ենթարկել։
Ոստիկանության լրատվական ծառայությունից հայտնում են, որ դեկտեմբերի լույս 17-ի գիշերը ժամը 0։30-ի սահմաններում Նորվեգիայի Թագավորության քաղաքացի 42-ամյա մի տղամարդ, որը մեր երկիր է այցելել որպես զբոսաշրջիկ, ոստիկանության Լոռու մարզային վարչության Տաշիրի բաժնում հանցագործության մասին հաղորդում է տվել։ Ըստ հաղորդման՝ ոստիկանություն դիմելուց հինգ ժամ առաջ Տաշիր-Գոգավան ճանապարհի 4-րդ կիլոմետրին երեք տղամարդ քաշքշել են նրան, ոտքերով հարվածել որովայնին ու հափշտակել սպորտային պայուսակը։ Պայուսակում եղել են անձնագիրը, բանկային քարտեր, բջջային հեռախոս, այլ իրեր և 750.000 դրամ։
Հարուցվեց քրեական գործ կողոպուտի և փաստաթղթեր հափշտակելու կամ վնասելու հատկանիշներով։ Ձեռնարկվեցին ծավալուն հետախուզական միջոցառումներ ու քննչական գործողություններ՝ կատարվածի հանգամանքները պարզելու, օտարերկրացուն կողոպտած անձանց ինքնությունը պարզելու և նրանց հայտնաբերելու ուղղությամբ։ Ժամեր տևած հետախուզական միջոցառումները արդյունք տվին։
Դեպքի վայրից մի քանի հարյուր մետր այն կողմ՝ Տաշիր գետում, հայտնաբերվեց հափշտակված պայուսակը։ Պայուսակում առկա իրերի մի մասն էլ հայտնաբերվեց դեպքի վայրից գետ տանող ճանապարհի տարբեր հատվածներում։
Տաշիրի քրեական հետախույզները շուտով հայտնաբերեցին նաև հենց Տաշիրի բնակիչներ, 23-ամյա Երվանդ Գրեյանին, 27-ամյա Աշոտ Սինասյանին, Լոռու Լեռնահովիտ գյուղում ապրող, 27-ամյա Սարկիս Սարկիսյանին։ Երիտասարդները կողոպուտ կատարելու կասկածանքով բերման ենթարկվեցին բաժին, ապա ներկայացվեցին տարածքային նախաքննական մարմնին՝ հարցաքննության։ Նրանք ձերբակալվեցին։
Հետագա միջոցառումներով իրավապահները հայտնաբերեցին հափշտակված գումարը, որը թաքցված էր Սարկիս Սարկիսյանենց ավտոտնակում։
Արձանագրենք, որ հայ իրավապահների պրոֆեսիոնալ գործողությունների շնորհիվ ժամերի ընթացքում հանցագործությունը բացահայտվեց, հայտնաբերվեցին նաև նորվեգացի զբոսաշրջիկի իրերը։
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
