Մինչև արմունկները կեղտի մեջ մտած Պալաչը խելքի կգա՞

Արման Հարոյանը ֆեյսբուքյան իր էջում գրում է.

Աղմկահարույց քրեկան գործերի շարքը լրացնելու եկավ նախկին ոստիկանապետի նկատմամբ հարուցված գործը։ Գործի մանրամասները, սակայն, դեռ բացահայտված չեն հանրության լայն շերտերի համար։ Այս դեպքն ուշադրության չէր արժանանա, եթե այդ նույն ժամանակահատվածում Արթուր Հարությունյանը չբարձրարայներ, որ իր խնդիրը նախկին ոստիկանապետի հետ չէ, այլ Գագիկ Ծառուկյանի։ Աբսուրդի սահմանները հատած այս հայտարարությունը շոկի կենթարկի ցանկացածին։ Վերոհիշյալ Արթուր Հարությունյանը, ով հայտնի է նաև «Պալաչ» մականվամբ, սև գործեր անելու վարպետ է դարձել։ «Փնթի» բիզնեսմենը, ով սննկացավ իր իսկ սխալների պատճառով, մեղադրում էր «Գագիկ Ծառուկյան» բարեգործական հիմնադրամն իր սննկացման մեջ, շեշտելով, որ հիմնադրամի կողմից տրամադրված անվճար երթուղիները «խփեցին» իր գործին։ Պալաչի անտրամաբանական քայլերի շղթան աչքի տակով անցկացնողն անգամ կապշի, մանրամասնենք՝ Պալաչը բիզնեսը կորցնելուց հետո հեռացավ երկրից, ու միայն դրանից հետո պարզվեց, որ իր և իր մտերիմների ունեցած սեփականությունը գրավ է դրել, ընկերներից հսկայական գումարներ է վերցրել ու հետ չի վերադարձրել։ Նույնիսկ կասկածներ կան, որ այս բարոյական ցածր արժեքներ ունեցող արարածը դիտավորությամբ է սննկացել։ Այս ամենը հաշվի չառնելով, Գագիկ Ծառուկյանը մեծահոգաբար գրավառուից՝ բանկից, գրավադրված սեփականությունը գնում ու հետ է վերադարձնում Պալաչի ծնողներին։ Դրանց մեջ էր մտնում հայրական տունը, ավտոլվացման կետն ու բենզալցակայանը:
Հարազատների ու Ծառուկյանի բարեսրտությունն ու հոգատարությունը ոչ մի ձևով չշարժեց Պալաչի ցամաքած հոգին, ու նույնիսկ հեռավորության վրա, վատություն անելու սովորությունը չի մեռել։ Բոլոր այն մարդիկ, ովքեր ճանաչում են Արթուր Հարությունյանին, համոզված են, որ նա սովորության համաձայն հանդես է եկել հայտարարությամբ, որը զուրկ է որևէ փաստից, ու վաղ թե ուշ, այն պայթելու է փուչիկի նման։ Հույս ենք հայտնում, որ դոնե դրանից հետո մինչև արմունկները կեղտի մեջ մտած Պալաչը խելքի կգա։