«Եթե գումարը հետ վերադարձնեն, մենք այն կնվիրաբերենք մանկատներին»
«Եվրոմոթորս» ընկերության ադմինիստրատիվ տնօրեն Աբրահամ Տանակէօզեանը երեկ կայացած ասուլիսի ժամանակ ներկայացնելով ապացույց հանդիսացող բոլոր փաստաթղթերը՝ նշեց, որ «Սմարթ Քոնսթրաքշն» ընկերության տնօրեն Զարուհի Սարգսյանից պահանջում է հանդես գալ ասուլիսով և ներողություն խնդրել «Եվրոմոթորս» ընկերությունից, Գագիկ Ծառուկյանից և Ջաբեր Ալմարզուքիից՝ նրանց պատիվն ու արժանապատվությունն արատավորելու և նրանց անհիմն մեղադրանքներ մեղսագրելու համար: Տանակէօզեանի խոսքով, ըստ փորձագետների կողմից արված եզրակացությունների, «Եվրոմոթորսը» կատարված աշխատանքի համար ոչ թե մասնակի է վճարում կատարել, այլ մի բան էլ ավելի է վճարել պահանջվող գումարից, և իրականում «Սմարթ Քոնսթրաքշն» ընկերությունը պետք է որոշակի գումար վերադարձնի «Եվրոմոթորս» ընկերությանը:
«Եթե դատարանի վճռով հետ վերադարձվեն ծախսված գումարները, մենք պատրաստվում են դրանք նվիրաբերել մանկատներին»,– ասուլիսի ժամանակ ասաց Աբրահամ Տանակէօզեանը։
Հիշեցնենք, որ օրերս հայտնի է դարձել, որ «Սմարթ Քոնսթրաքշն» ընկերության տնօրեն Զարուհի Սարգսյանը հաղորդում է տվել ոստիկանություն, որ «Եվրոմոթորս» ընկերությունն արդեն տևական ժամանակ է՝ հրաժարվում է BMW ավտոսրահի կառուցման համար նախատեսված գումարը վճարել: Շինարարությունը կատարած ընկերության ներկայացրած տվյալների համաձայն, խոսքը 465 մլն դրամի մասին է:
«Եվրոմոթորս» ընկերության բաժնետեր և գործադիր տնօրեն Ջաբեր Ալմարզուքին, լրագրողների հետ զրույցում անդրադառնալով խնդրին, նշեց, որ իրենք ապացույցներ ունեն, որ «Սմարթ Քոնսթրաքշն» ընկերության տնօրեն Զարուհի Սարգսյանը շահադիտական նպատակներով է «Եվրոմոթորս» ընկերության հասցեին անհիմն մեղադրանքներ հնչեցրել:
«Խնդիրն այն է, որ «Եվրոմոթորս» և «Սմարթ Քոնսթրաքշն» ընկերությունների միջև կնքված համաձայնագրով, դեռևս 2016 թվականին վերջինին վճարվել է պայմանագրով նախատեսված ամբողջ՝ 3.285.000 դոլարը։ Մենք շատ լավ գիտենք հայ ժողովրդին և հուսով ենք՝ արդարացի արդարադատություն կլինի և արդար վճիռ կկայացնի դատարանը։ Մենք ավելի վաղ Զարուհի Սարգսյանին ասել էինք, որ եթե ինքը որևէ խնդիր է տեսնում, ապա պետք է համապատասխան մարմիններին դիմի, որպեսզի հարցը կարգավորվի: Բայց ինքը դիմել է գրեթե բոլորին՝ նախագահին, վարչապետի վերահսկողական ծառայությանը և այլն, բացի դատարանից։ Մենք ամենևին էլ դեմ չէինք, որպեսզի պատկան մարմինները մեզ մոտ շինարարական հետազոտություններ կատարեին: Ուսումնասիրության արդյունքում պարզ դարձավ, որ «Եվրոմոթորսը» վճարել է հասանելիք բոլոր գումարները։ Եվ հիմա մենք տեր ենք կանգնելու մեր արդար իրավունքներին, քանի որ մեզ համար կարևորը արդարության վերականգնումն է»,– նշեց Ալմարզուքին։
Նրա խոսքով՝ իրեն զարմացրել են հատկապես հայաստանյան մամուլի հրապարակումները, քանի որ հիմնականում միակողմանի է տեղկությունը հրապարակվել, առանց երկրորդ կողմի կարծիքը լսելու:
«Մենք ներդրումներ ենք կատարել աշխարհի 7 երկրում, և մամուլի հետ աշխատելու հարուստ փորձ ունենք, բայց առաջին դեպքն էր, երբ մամուլն անդրադարձել էր դեպքի՝ առանց մյուս կողմին լսելու և առանց նրա կարծիքը ներկայացնելու»,– ասաց Ալմարզուքին։
Հարցին, թե գուցե նման աղմուկ է բարձրացվել Գագիկ Ծառուկյանի դեմ քաղաքական դրդապատճառներից ելնելո՞վ, «Եվրոմոթորս» ընկերության բաժնետերն ասաց. «Ես չեմ ուզում խոսել քաղաքականությունից և մեկնաբանություններ անել, բայց նման խոսակցություններն, անշուշտ, ազդում են գործարարի իմիջի վրա։ Մենք ողջունել ենք երկրում կատարված հեղափոխությունը և կարծում ենք, որ արդարությունը կհաղթի և հնարավորություն կտա ավելի շատ ներդրումներ կատարել։ Ես կրկին շնորհակալություն եմ հայտնում պարոն Ծառուկյանին, որ իր վստահությամբ հնարավորություն է ընձեռել ներդրումներ անել Հայաստանում։ Նկատել եմ, որ նա ներդրումներ անելիս առաջնային է համարում ոչ թե իր, այլ ժողովրդի ու երկրի շահը»,– ասաց ընկերության բաժնետերը։
Խոսելով Գագիկ Ծառուկյանի բիզնես–կառավարմանը մասնակցել–չմասնակցելու մասին՝ Ջաբեր Ալմարզուքին նշել է, որ ԲՀԿ առաջնորդն ընդհանրապես չի միջամտում ընկերության աշխատանքներին:
«Ինձ զարմացնում է այն, որ Գագիկ Ծառուկյանն անվերապահորեն վստահում է իր գործընկերներին: Նման բարձր մակարդակի գործընկերային փոխվստահության մթնոլորտի պայմաններում աշխատել ոչ բոլորի հետ է հնարավոր լինում: Ուրախ ենք, որ Գագիկ Ծառուկյանի հետ դա ստացվում է, քանի որ նա ազնիվ գործընկեր է»,– ասաց Ջաբեր Ալմարզուքին։
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
