Մեր կուսակցությունը ներկայացրել է ծրագրային դրույթներ, որոնք առաջ են քաշում մի շարք կարևոր հարցեր. Գագիկ Ծառուկյան
Այսօր Վայոց Ձորի մարզկենտրոն Եղեգնաձոր քաղաքում նախընտրական քարոզարշավ անցկացնելուց հետո ԲՀԿ առաջնորդ Գագիկ Ծառուկյանը հանդիպում ունեցավ նաև Արարատի մարզի Մասիս քաղաքի բնակիչների հետ:
Քարոզարշավի ժամանակ խոսելով կուսակցության կողմից առաջ քաշված ծրագրային դրույթների եւ մինչ օրս գրանցած հաջողությունների մասին Գագիկ Ծառուկյանը նշեց.
«Եկել եմ այստեղ առանց նախապատրաստվելու, քանի որ հստակ գիտեմ մարդկանց խնդիրները: Ինքս ինձ գովելու կարիք չունեմ, դուք բոլորդ էլ լավ գիտեք՝ ինչին ձեռքս կպել է հաջողությամբ է պսակվել:
Այսօր մարդկանց հետ խոսել չի լինում: Ժողովրդի երեսներին ժպիտ չկա, ու դա պայմանավորված է նրանով, որ խնդիրները շատ են: Բայց ես եկել եմ ասելու, որ խնդիրները լուծվող են: Ում ընտրեք, նա էլ կդառնա պատգամավոր. ձևի համար դրված թեկնածուներ չկան, ծանոթ-բարեկամ չկա: Դուք պետք է ընտրեք, պետք է որոշեք` ովքեր են դառնալու պատգամավոր ու ովքեր են լուծելու ձեր խնդիրները»:
Խոսելով թերեւս ամենակարեւոր հարցերից մեկի՝ բնակարան ձեռք բերելու մասին, կուսակցության առաջնորդը ընդգծեց.
«Մարդիկ տան խնդիր ունեն. երեխային ամուսնացնելու ժամանակն է, բայց ամաչում են, բնակարան չունեն: Մենք հիմա բնակարաններ ենք կառուցում: Մարդիկ կարող են ամսական 65 000 դրամ վճարել ու բնակարան ունենալ: Մենք բնակարանները նվեր չենք տալիս, ուղղակի առանց շահույթի բնակարան ենք կառուցում, մտածում ենք ժողովրդի մասին: Սրանով բազմաթիվ մարդկանց երազանք ի կատար կածվի ու մարդկանց դեմքին ժպիտ կառաջանա: Սա ասում եմ, որ դուք հասկանաք, որ անհնար բան չկա: Մեր կուսակցությունը ներկայացրել է ծրագրային դրույթներ, որոնք առաջ են քաշում մի շարք կարեւոր հարցեր, այսքանից հետո ինձ մնում է ասել՝ ում կհավատաք, նրան էլ ընտրեք>>, - ասաց ԲՀԿ առաջնորդ Գագիկ Ծառուկյանը:
Սոսե Չանդոյան
Фосфорные боеприпасы Украины и военные сделки с Алиевым: почему визит Зеленского в Ереван встречают ...
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Саммит хромых уток в Ереване
Европейские обещания на фоне закрытых дверей: «Паст»
«След» Курдистана в списке «Республики»: кто такой Роман Мурадян? «Паст»
Приглашение Зеленского — удар по национальному достоинству
Кая Каллас прибыла в Азербайджан
В НАТО заявили, что решение США о выводе войск из ФРГ не повлияет на возможности альянса
Euobserver: Армения стремится занять место в очереди на вступление в ЕС на фоне геополитической нест...
