«Լուսավոր Հայաստան»-ի երևանյան քարոզարշավը մեկնարկեց Նոր Նորք վարչական շրջանից
«Լուսավոր Հայաստան» կուսակցության երևանյան քարոզարշավը մեկնարկեց Նոր Նորք վարչական շրջանի Հայկ Բժշկյանի (Գայ) արձանի մոտակայքից։
Ինչպես տեղեկացնում է «Արմենպրես»-ը , «Լուսավոր Հայաստան» կուսակցությունը քարոզարշավն իրականացնում է երեք մակարդակով՝ մարզային, երևանյան և ռեյտինգային։ Երևանյան քարոզարշավը գլխավորում են ցուցակի երկրորդ համար Մանե Թանդիլյանը և չորրորդ համար Գևորգ Գորգիսյանը: Նրանք վարչական շրջանի կենտրոնական և հարակից փողոցներով, բակերով ու շուկաներով քայլեցին և քաղաքացիներին ներկայացրեցին կուսակցության նախընտրական ծրագրի հիմնադրույթները:
Մանե Թանդիլյանը նշեց, որ Լուսավոր Հայաստանը իր պատմության կարճ ժամանակահատվածում կարողացել է իրողություն դարձնել երազանքների պետություն կերտելու իրենց տեսլականը:
«Այն ճանապարհը, որ անցել է մեր կուսակցությունը, կարճ է, բայց բովանդակալից: Էդմոն Մարուքյան, Մանե Թանդիլյան, Արման Բաբաջանյան, Գևորգ Գորգիսյան` այս գործիչների ազնիվ և շիտակ պայքարը բերել է այսօրվա նոր Հայաստանի իրողության:
Ազգային ժողովի ընտրությունը կարևորագույն է: Սա ետհեղափոխական առաջին համապետական ընտրությունն է, որտեղ որոշվելու է, թե ինչ Հայաստանում ենք մենք ապրելու»,- ընդգծեց Թանդիլյանը:
Նա հորդորեց քաղաքացիներին իրենց ձայնը տալ «Լուսավոր Հայաստան» կուսակցությանը, որն իր առաքելությունն է համարում ապահովել մարդուն բարեկեցիկ և արժանապատիվ կյանքը:
Պատասխանելով լրագրողների հարցին, թե իրենց կուսակցությունը ընդդիմություն է, թե իշխանություն, Մանե Թանդիլյանը պատասխանեց, որ քաղաքական ուժի ընդդիմություն, թե իշխանություն լինելը պարզ է դառնում Ազգային Ժողովի ընտրություններից հետո:
«Ընտրություններից հետո պարզ է դառնալու՝ ով ինչքան ձայն է հավաքել և դրանով է որոշվելու ընդդիմություն է, թե իշխանություն»,- ասաց Թանդիլյանը:
Հայաստանում դեկտեմբերի 9-ին կայանալիք արտահերթ խորհրդարանական ընտրությունների նախընտրական քարոզարշավը մեկնարկել է նոյեմբերի 26-ին և կշարունակվի մինչև դեկտեմբերի 7-ը:
«Лакмусовая бумажка» для оппозиционного поля и избирателей: «Паст»
Только стыд и позор из-за властей: «Паст»
Освещения мероприятия блока «Армения» набрали около 15 миллионов просмотров: «Паст»
Фонд развития «Керон» и фонд «Музыка во имя будущего» сотрудничают во имя молодых талантов
Наапетян: выборы превращаются в референдум — за «кандидата Азербайджана» или против
Кто такой Марио Науфал, которому дал интервью Нарек Карапетян? «Паст»
За два месяца девять лет восполнится? «Паст»
Угроза национальной идентичности армянского народа: «Паст»
Соответствуют ли действительности «тревожные звонки» о том, что в продуктах питания находят «камень ...
Когда земля уходит из-под ног: «Паст»
