Գագիկ Ծառուկյանի աջակցության ու ջանքերի շնորհիվ ուսանողներն իսկական տոն ունեցան

Լենա Ավետիսյանը ֆեյսբուքյան իր էջում գրում է.

Բոլոր ժամանակներում էլ երկրի ապագան կապվել է երիտասարդ սերնդի հետ։ Իսկ կրթված ու գրագետ երիտասարդները այն ուժն են, որը երկրին կարող է տանել զարգացման բարդ ուղիով։ Բուհերում գոյություն ունեցող կաշառքները, խտրականությունը, ինչ որ մեկի ծանոթ բարեկամը լինելը, կարող է բարձր առաջադիմություն ունեցող ուսանողին չընձեռել անվճար սովորելու հնարավորություն, կասկած անգամ չունեմ, որ գրառումը կարդացողներից շատերին է ծանոթ այս վիճակը։
Թվարկված պատճառներին գումարվում է նաև ժողովրդի սոցիալական վիճակը, ու հաճախ սովորելու հնարավորություն չեն ունենում ամենախելացիները։ Այս հարցերով մտահոգված՝ «Ծառուկյան» բարեգործական հիմնադրամը՝ Գագիկ Ծառուկյանի գլխավորությամբ, արդեն մոտ երկու տասնամյակ կազմակերպում է մրցույթ, իսկ այդ մրցույթում հաղթողները ստանում են անվանական կրթաթոշակ՝ ուսման հետ կապված ծախսերը թեթևացնելու համար։ Գագիկ Ծառուկյանը յուրաքանչյուր տարի անձամբ է ներկա գտնվում ուսանողների տոնին կազմակերպված միջոցառումանը, անձամբ շնորհավորում է ու շնորհում կրթաթոշակները։
Մրցույթին մասնակցած ու գոնե մեկ անգամ հաղթած ուսանողները կփաստեն, որ մնան ուշադրությունը ոգևորող է, ու խթանում է ավելի լավ սովորելուն, թեկուզ նրա համար, որ հաջորդ տարի նույնպես ընձեռնվի նման հնարավորություն։
Ուսանողները ունենում են իսկական տոն, միայն Գագիկ Ծառուկյանի աջակցության ու ջանքերի շնորհիվ։ Այս նախաձեռնությունը գոյություն է ունեցել անկախ նրանից, Ծառուկյանը զբաղվում է քաղաքականությամբ, թե ոչ, այնպես որ վստահ ենք, որ այս միջոցառումը կրելու է շարունակական բնույթ, ու դեռ երկար ժամանակ ուրախացնելու է մեր երկրի ապագան հանդիսացող, այն կառուցող ու բարգավաճման տանող ուսանողներին։