Կանխագուշակումների փոխարեն մենք նախընտրել ենք աշխատանքի ճանապարհը.Իվետա Տոնոյանը՝ առաջիկա ընտրությունների մասին
Արտահերթ խորհրդարանական ընտրություններին ընդառաջ քաղաքական ուժերը նախապատրաստվում առաջիկա քարոզարշավին և բուն ընտրական գործընթացին։ ԲՀԿ նախագահ Գագիկ Ծառուկյանի մամուլի խոսնակ, Ծառուկյան խմբակցության պատգամավոր Իվետա Տոնոյանից Irakanum.am-ը հետաքրքրվեց, թե ինչ փուլում են նախապատրաստական աշխատանքները իրենց քաղաքական ուժի մոտ։
ԱԺ «Ծառուկյան» խմբակցության պատգամավոր Իվետա Տոնոյանը ասաց, որ «Բարգավաճ Հայաստան» կուսակցությունը խորհրդարանական ընտրություններին մասնակցում է շատ ներկայանալի համապետական ցուցակով, որը տարբեր ոլորտներում հաջողություններ ունեցած տարբեր մասնակիցներից է բաղկացած, որոնք մտահոգ են երկրի ապագայով:
«Նրանք ունեն շատ հստակ տեսլական՝ ինչպես զարգացնել Հայաստանի Հանրապետությունը: Մենք ընտրություններին մասնակցում ենք շատ մրցունակ ծրագրով, հանրությանը ներկայացնելու ենք երկիրը զարգացնելու ԲՀԿ-ի, մասնավորապես, Գագիկ Ծառուկյանի տեսլականը: Պարոն Ծառուկյանն առիթ ունեցել է ասելու, որ քաղաքական փոփոխություններից հետո այժմ մեր երկրում հերթը տնտեսական հեղափոխությանն է և մեր ծրագիրը հանգամանորեն ներկայացնում է հենց այդ հեղափոխությունն իրականացնելու մեխանիզմները: Մենք ընտրությանը մասնակցում ենք այդ առաքելությամբ և հանրությունը հնարավորություն ունի ընտրություն կատարելու ներկայացված ծրագրերի միջև: Եվ ըստ այն քանակի, թե որքանով կվստահի հանրությունը մեզ, մեր ներկայացրած ծրագրին, այդքանով էլ մենք ներկայացված կլինենք խորհրդարանում: Տարբեր տեսակի քաղաքական գուշակությունները, նոստրադամուսությունները, կարծում եմ, քաղաքական կատեգորիաներ չեն: Ընտրությունը քաղաքական գործընթաց է, մենք կոնկրետ գնում ենք այդ ճանապարհով»,-շեշտեց նա:
Այն դիտարկմանը, թե այդքան մրցունակ ծրագիր ու շատ ներկայանալի ցուցակ ներկայացնելով, քննարկումներ չեն եղել, թե քանի տոկոս կհավաքի կուսակցությունը կամ ինչպես են գնահատում իրենց շանսերը, Տոնոյանը նշեց. «Կանխագուշակումներով զբաղվելու փոխարեն մեր կուսակցությունը նախընտրել է աշխատելը: Կոնկրետ այս դեպքում օրնիբուն մեր մասնագետները՝ Գագիկ Ծառուկյանի գլխավորությամբ, մրցունակ ծրագիր կազմելու և հանրությանը ներկայացնելու աշխատանքներ են իրականացրել: Կանխագուշակումների, ենթադրությունների փոխարեն մենք նախընտրել ենք աշխատանքի ճանապարհը»։
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
