Եթե ՀՀԿ-ն այդքան մտահոգված է, ինչու իրենց իշխանության ժամանակ այդ հարցին չէին անդրադառնում
ԱԺ լիագումար նիստի ժամանակ այսօր քննրակվեց խորհրդարանի «Հատուկ պետական պաշտպանության ենթակա անձանց անվտանգության ապահովման մասին» Հայաստանի Հանրապետության օրենքում լրացումներ կատարելու մասին» Հայաստանի Հանրապետության օրենքի նախագիծը, որի ժամանակ բավականին բուռն բանավեճ ծավալվեց: ԱԺ փոխնախագահ Միքայել Մելքումյանն անդրադառնալով քննարկմանը, նշեց, որ Ամենայն հայոց կաթողիկոսի անվտանգությունն օրենքով կանոնակարգելու նախագծի քննարկման ժամանակ «Ծառուկյան» դաշինքի պատգամավորների մասին բավականին էժանագին գնահատականներ և շահարկումներ են հնչեցվել: «Մեր քաղաքական ուժն իր դիրքորոշումը հստակ ունի և որևէ հայ քրիստոնյա չի կարող որպես սրբություն չընդունել կամ ուրանալ քրիստոնեական բարձր արժեքները: Սակայն, ներկայացված իրավական կարգավորումը, որպես հարցի լուծման բանաձև բավականին թերի էր, որը ոչ թե ինստիտուցիոնալ լուծում էր տալիս խնդրահարույց հարցերին, այլ ընդամենը հատվածային և նեղ լուծում էր առաջարկում»,- ասաց Մ. Մելքումյանը: Հիշեցնենք, որ որոշման նախագծին կառավարությունը թեև բացասական եզրակացություն էր տվել, սակայն ավելի վաղ «Ծառուկյան» դաշինքը կողմ էր քվեարկել Հայ առաքելական եկեղեցուն նվիրված նախաձեռնությանը: Իսկ բերված տարբերակին դեմ լինելն ամեևին էլ չի նշանակում, որ առաջարկվող գաղափարին են դեմ: «Մեր քաղաքական ուժը նախաձեռնելու է ստորագրահավաք, նախագծի լրամշակված տարբերակն օրակարգ մտցնելու համար: Եվ այդ ժամանակ կտեսնենք, թե ով ինչպես կքվեարկի: Մեր նպատակը խնդրին ամբողջական և լիարժեք կարգավորում տալն է և այս առումով զարմանալի էին անփառունակ քաղաքական ուժի ներկայացուցիչների կողմից մեզ ուղղված մեղադրանքները: Եվ եթե իսկապես իրենք քրիստոնեկան արժեքեներով են առաջնորդվում, ապա ինչու էին երկիրն այս վիճակի հասցրել: Ուստի, սուրբ արժեքներն օգտագործելով նման էժանագին դիվիդենտներ հավաքելը, կարծում ենք ոչ այլ ինչ է, քան հետամնացության հետևանք»,- ասաց Մ. Մելքումյանը: Նա նաև հավելեց, որ եթե «Ծառուկյան» դաշինքը դեմ լիներ նման նախաձեռնությանը, ապա այն կքննադատեր, սակայն տվյալ պահին ինչ-որ նեղ տիրույթի հարց լուծելու համար հատվածային մոտոցում չեն կարող ցուցաբերել հարցին: Դրա փոխարեն հարցերի ու մտահոգությունների լուծման ինստիտուցիոնալ լուծում են առաջարկում: «Ի դեպ, շատ զարմանալի է, որ երբ իրենք իշխանություն էին, ինչու այդ ժամանակ նման հարցերի չէին անդրադառնում: Եվ եթե այդքան մտահոգված են, ապա կարող էին ավելի վաղ այդ հարցերի մասին մտածել»,- ասաց Մ. Մելքումյանը:
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
