Ծառուկյանը սպորտի զարգացման համար չի խնայում ոչ մի ռեսուրս
Արման Հարոյանը ֆեյսբուքյան իր էջում գրում է.
Օրեր առաջ Աշխարհի խաղերի ոսկե մեդալակիր, 21 ամյա Սիմոն Մարտիրոսյանին Հայաստանում դիմավորեցին մեծ շուքով ու ոգևորությամբ, չէ՞ որ Հայաստանը 8 տարվա ընդմիջումից հետո ունեցավ աշխարհի չեմպիոն։ Պարզ է, որ չեմպիոնը հետաքրքրություն առաջացրեց հասարակության ու լրագրողների շրջանում։ Նրա հետքերով Էջմիածին հասած լրագրողները «բացահայտեցին», որ Սիմոն Մարտիրոսյանի մարզումներն անցկացվում են 80-ականներից մնացած ծանրաձողերով, ու վթարային շենքում։ Պատմությունն էլ ավելի սրտաճմլիկ դարձնելու համար վթարային շենքի վատ պայմանների ցուցադրությամբ չեն սահմանափակվում, ու շեշտում են, որ ոչ ոք չի ուզում իրենց օգնել։
Բոլորն էլ գիտեն, որ ՀՀ-ում սպորտի հետ կապված հարցերն առաջնային են Գագիկ Ծառուկյանի համար։ Ու այս պատմության տարօրինակ մասն այն եղավ, որ ծանոթանալով հանրային կարծիքի հետ, նկատեցի՝ շատերը շեշտում են Ծառուկյանի անունն այն համատեքստում, որ նա չի օգնել մարզադպրոցի վերանորոգման հարցում։
Անրադառնալով դրան, կարելի է ասել հետևյալը, Ծառուկյանը՝ բոլոր սպորտդպրոցների կառուցումն ու վերանորոգումը իրականացնելիս, օգտագործել է սեփական միջոցները, իր նախաձեռնությամբ պարգևատրել է շատ ու շատ մարզիկների և հիմա նրանից պահանջել, որ իր միջոցներով վերանորոգի նշված սպորտդպրոցը՝ առնվազն աներեսություն է։
Կա ևս մեկ կարևոր հանգամանք, առանց որի այս պատմության մութ կողմերը չեն բացահայտվի։ Սիմոն Մարտիրոսյանը տևական ժամանակ է ինչ իր մարզումներն անցկացնում է Օլիմպավանում, որը համապատասխանում է միջազգային բոլոր չափանիշներին, ու որի կառուցումը իրատեսական եղավ միայն Գագիկ Ծառուկյանի շնորհիվ։
Այսպիսով, կարելի է կատարել եզրակացություն, ռեպորտաժի հիմնական ու գլխավոր նպատակը սպորտդպրոցի գովազդն էր, ինչից օգտվելով, լրատվականները շրջեցին բուն բովանդակությունը, ու նախընտրական շրջանում դրան հաղորդեցին իրենց համար ցանկալի ուրվագիծը։
Սակայն շտապեմ հիասթափեցնել, դա Ձեզ մոտ չի ստացվել, քանի որ բոլոր սպորտասերները գիտեն սպորտում ունեցած Ծառուկյանի դերի մասին, ու դա թերագնահատել ուղղակի անհնար է։ Ծառուկյանը այն մարդն է, ով սպորտի զարգացման համար չի խնայում ոչ մի ռեսուրս։
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
