«Հայաստանի էներգետիկայի շաբաթ-2018» միջոցառմանը կմասնակցեն արևային էներգետիկայի միջազգային առաջատար ընկերություններ
«Հայաստանի էներգետիկայի շաբաթ-2018» միջոցառմանը կմասնակցեն արևային էներգետիկայի միջազգային առաջատար ընկերություններ:
«Արմենպրես»-ի մամուլի սրահում հրավիրված ասուլիսում արևային էներգետիկայի փորձագետ, «Շտիգեն» ընկերության հիմնադիր-տնօրեն Հայկ Շեկյանը նշեց, որ այս միջոցառումն իրականացվում է ոչ միայն ոլորտի մասնավոր ընկերությունների բիզնեսի զարգացման համար, այլև այն նվիրված է Հայաստանում վերականգնվող էներգետիկայի զարգացմանը, էներգետիկ անվտանգությանը, սոցիալական հարցերի լուծմանը և այլ հարցերին:
«Հայաստանի էներգետիկայի շաբաթը բավական ներկայացուցչական է լինելու: Դիտարկվելու են մեր երկրում նախատեսված մի քանի նախագծեր արևային, հողմային, հիդրոէներգետիկայի ոլորտներին վերաբերող: Մոտակա մի քանի օրվա ընթացքում ամփոփվելու է Հայաստանում վերականգնվող ոլորտի անցած ճանապարհը, քննարկվելու են առաջիկա տարիների ծրագրերը»,-ասաց Հայկ Շեկյանը: Նրա խոսքով՝ միջազգային ընկերությունների ներկայությունը Հայաստանում խոսում է այն մասին, որ մեր երկիրը, լինելով փոքր, արդեն իր տեղն է գրավել վերականգնվող էներգետիկայի համաշխարհային քարտեզի վրա:
«Կա հետաքրքրություն ներդրումային ծրագրեր իրականացնելու հարցում: Միջազգային բիզնես ընկերությունները մեր երկրում տեսել են կայուն միջավայր, աճող ոլորտ, պետության կողմից իրականացվող հասկանալի քաղաքականություն: Ներդրողների համար կա ընկալելի, երաշխավորված միջավայր, և դաշտում կարողանում են գործել»,-ասաց Հայկ Շեկյանը:
Արևային էներգետիկայի ոլորում միջազգային փորձագետ, Չինաստանի «Թելսան» ընկերության վաճառքների առաջատար մասնագետ Ջինգ Լյուն նշեց, որ Հայաստանը վերականգնվող էներգետիկայի ոլորտում գրավիչ շուկա ունի:
«Մի քանի տարի առաջ, երբ սկսում էինք համագործակցությունը «Շտիգեն» ընկերության հետ, մենք այդքան տեղյակ չէինք Հայաստանի, և ձեր երկրի էներգետիկ պոտենցիալի մասին, սակայն հետագայում բացահայտել ենք Հայաստանի վերականգնվող էներգետիկայի հնարավորությունները: Երևում է, որ Աստված շատ է սիրում Հայաստանը, որովհետև այն շատ արևոտ երկիր է»,-ասաց Ջինգ Լյուն:
Արևային էներգետիկայի ոլորտի միջազգային փորձագետ, Ավստրիայի «Ֆրոնիուս» ընկերության տարածքային զարգացման ղեկավար Բենջամին Ֆիշերի խոսքով՝ իրենք հետաքրքրված են Հայաստանի շուկայով՝ գնահատելով վերականգնվող էներգետիկայի հնարավորությունները:
«Մենք այստեղ ոլորտի զարգացման հեռանկարներ ենք տեսնում: «Շտիգեն» ընկերության հետ համատեղ ծրագիր ենք իրականացրել դեռ նախորդ տարի: Հետաքրքրված լինելով Հայաստանի շուկայով՝ մենք հենց այդ պատճառով ենք այստեղ: Նախատեսված էներգետիկ շաբաթի շրջանակում հանդիպելու ենք շուկայի հիմնական մասնակիցների հետ, ինչպես նաև իրականացվելու են թրեյնինգներ»,-ասաց Բենջամին Ֆիշերը:
Հայկ Շեկյանն ընդգծեց, որ վերջին տարիներին Հայաստանում արևային էներգիայի ոլորտն առաջանցիկ տեմպերով է զարգանում:
«Մենք դրան հասել ենք շնորհիվ մի շարք գործողությունների, որոնք իրականացվել են թե բիզնեսի, թե պետության կողմից: Հանրության շրջանում հետաքրքրությունը այդ տեխնոլոգիաների նկատմամբ շեշտակի աճել է: Հոկտեմբերի վերջի տվյալներով՝ տեղադրված արևային էներգիա արտադրող համակարգերի ընդհանուր հզորությունը մոտենում է 8 մեգավատի: Խոսքը տանիքների վրա տեղադրված համակարգերի մասին է: Դրանից բացի, գոյություն ունեն արդյունաբերական նշանակության կայաններ, որոնք լիցենզիա են ստացել և իրենց արտադրած հոսանքը վաճառում են: Այդ կայանների ընդհանուր հզորությունը կազմում է 10 մեգավատ»,-ասաց Հայկ Շեկյանը:
Idram и IDBank приняли участие в открытии павильона «Мой лес Армения» на COP17
Ucom — стратегический партнер Yerevan Conservation Symposium 2026
Юнибанк получил рейтинг устойчивого развития B++ от Agents for Impact GmbH
Мигранты в обмен на европейское будущее: какую цену готова заплатить Армения?
Я знал о его проазербайджанской позиции и, будучи советником, сдерживал его. Аршак Карапетян
Следующие два месяца могут стать судьбоносными для Армении. Аршак Карапетян
День рождения в Италии с Юнибанком
При поддержке Ucom фестиваль «SunChild» объединяет кино и заботу о природе
«Житель Степанавана своим голосом покажет, что все попытки обмануть его с помощью видеозаписей обреч...
ВТБ (Армения) поддержал инициативу Newmag BOOK DONATION в городе Раздан
