Գագիկ Ծառուկյանի ներդրումային քաղաքականությունն ընդգրկում է տնտեսության կարևորագույն ճյուղերը

Էնջի Ղազարյանը ֆեյսբուքյան իր էջում գրում է.

Մի քանի ամիս շարունակ հետովելով բոլոր լրատվական կայքերի հրապարակած նորություններին՝ հասկացա մեկ բան. այն, որ Գագիկ Ծառուկյանը շատ լուրջ ներդրումներ է կատարում ՀՀ-ի տնտեսության, թեթև և արդեն հայտնի դարձավ, որ նաև ծանր արդյունաբերության զարգացման համար: Այս անգամ արդեն հայկական շուկա է մտել արևային համակարգերի արտադրությամբ զբաղվող «Մուլտի սոլար» ընկերությունը: Գագիկ Ծառուկյանից պահանջվեց ընդհամենը 7 ամիս, որպեսզի զրոից ստեղծի գերժամանակակից տեխնոլոգիաներով հագեցած գործարան, որը ինչ խոսք տարածաշրջանում միակն է իր մեծությամբ և հզորությամբ: «Մուլտի սոլար» ընկերության բացումը Գագիկ Ծառուկյանի և ամերիկահայ գործարար Զարեհ Բալասանյանի համատեղ նախագիծն է: Գործարանի բացման և շահագործման համար պահաջվել է ավելի քան 10 մլն ԱՄՆ դոլլար, որը կունենա նախնական 100 աշխատատեղ, ապա դրա թիվը կհասնի 200-ի: Արտադրանքը կիրացվի ԱՄՆ-ում, Ռուսաստանում, սակայն արդեն առաջարկներ կան նաև Սիրիայից, Լիբանանից, Եգիպտոսից:
Արևային համակարգերով ստացված էներգյան ավելի մատչելի է ՀՀ բնակիչների համար: Եվ բնակիչները ստացած էներգիայի համար կվճարեն ոչ թե 45 ՀՀ դրամ, այլ 25-30 ՀՀ դրամ:
Լուրջ և առաջնային քայլ էր երկրի համար, որն ունի նաև բնապահպանական բաղադրիչ: Այս տեխնոլոգիան, զգալի չափով կնվազեցնի նաև ծառահատումները:
Սա տնտեսական լուրջ ներդրումներից մեկն է, սակայն կա նաև ներդրում թեթև արդյունաբերության ոլորտում: Շահագործման հանձնվեց «Մուլտի գրուպ տեքստիլ» սրբիչի արտադրամասը, որը հագեցած է նոր և հզոր սարքավորումներով: Արտադրամասը զբաղվում է սրբիչների արտադրանքով, որոնց հիմքը մաքուր բամբակյա մանվածքն է: ընկերությունը արտադրանքը կներկայացնի բացառապես լավագույն հումքով և այն կունենա շուրջ 7 հազար նոր աշխատատեղ:Գործարանը բացվել է «Մուլտի գրուպ» կոնցեռնի և Սիրիայում մեծ ճանաչում ունեցող «Սաբախ գրուպ» ընկերության համագործակցության շնորհիվ և ներդրվել է 500 մլն ԱՄՆ դոլլար: Այս գործարանների բացումը առաջնահերթ կարևորում եմ նրանով, որը Հայաստանը կունենա տեղական արտադրանք և այդ արտադրանքը կարտահանի այլ երկրներ: Արտասահմանյան շուկայում իր ուրույն տեղը կգնտի հայկական արտադրանքը:Բացի այդ նոր հիմքեր կստեղծի ավելի ազդեցիկ գործընկերներ ձեռք բերելու համար:
Այս ամենը թերևս մեր երկրի համար շատ մեծ ներդրում է, որը անհնար է չգնահատել: Նման գործարանների բացումը և նման կայացած գործարարների հետ աշխատելը, բավականին դժվար և պատասխանատու քայլ է, որին գնացել է Գագիկ Ծառուկյանը՝ երկրի բարգավաճման և զարգացման համար: Իսկ համագործակցությունը ստացվում է միայն արտասահմանյան գործընկերների վստահության շնորհիվ: Սա մեծ խթան է՝ ունենալ հզոր տնտեսություն և զարգացած արդյունաբերություն:
Գագիկ Ծառուկյանը պարբերաբար լուրջ ներդրումներ է կատարում մեր երկրում, որը նպաստելու է ազգի բարեկեցիկ ու ապահով ապագայի կառուցման գործին: