Գագիկ Ծառուկյանի կողմից հովանավորվող ոլորտները աչքի են ընկնում ոչ միայն բովանդակային, այլ, որ ավելի կարևոր է, աշխարհագրական բազմազանությամբ

Մանե Առաքելյանը ֆեյսբուքյան իր էջում գրում է.

Մի քանի օր շարունակ մամուլում պարբերաբար պտտվում էր ինֆորմացիա, որ Հայաստանում է Քուվեյթի թագաժառանգ Շեյխ Ահմադ Ալ Ֆահադ Ալ Սաբահը, ով նաև Գագիկ Ծառուկյանի մտերիմ ընկերն է, և ում գալուստը Հայաստանում ներդրումներ կատարելու նոր ալիքի հետ կապվեց, կարելի է ասել, որ այսօր արդեն պաշտոնապես հաստատվեց:
Շեյխ Ալ Սաբահի այցի շուրջ նման մտորումների տեղիք տվել էր ոչ վաղ անցյալի այն իրողությունը, երբ շեյխը խոստանում էր 15 միլիարդ դոլարի ներդրում կատարել Հայաստանում: Իհարկե ինչպես ցանկացած ներդրողի, այնպես էլ Ալ Սաբահին, պետք են նեդրվող գումարների շուրջ հստակ անվտանգային երաշխիքներ, և նա համաձայնել էր դրանք ներդրնել, եթե իշխանությունում լինի Գագիկ Ծառուկյանի ուժը, քանզի նման հսկայածավալ ներդրումների համար նա ընտրել էր Հայաստանը հենց միայն Ծառուկյանի անձի հանդեպ վստահությունից ելնելով:
Ժամանակները փոխվել են, սական, ինչպես պարզվում է, Քուֆեյթի և Ծառուկյանի ընկերությունը ժամանակների փորձությունում ավելի է թրծվել, և ահա վերջինս կրկին Հայաստանում է՝ կրկին ներդրումներ անելու պատրաստակամությամբ, ինչպես նաև ծանոթանալու մինչև այժմ կատարված ներդրումների ռեալիզացման ընթացքին:
Ալ Սաբահը Գագիկ Ծառուկյանի ուղեկցությամբ շրջեց 1 մլն. քառակուսի մետր ընդհանուր մակերեսով արդյունաբերկան քաղաքում, որտեղ լինելու են 10-ից ավելի գործարաններ՝ 7000 աշխատատեղիով: Այնուհետև եղավ Արմօյլ ընկերությունում, որի արտադրանքի 80 տոկոսը արտահանվելու է ԵԱՏՄ և ԵՄ: Ծանոթացավ մետաղի մշակման՝ սիլիցիումի գործարանի նախնական էսքիզին:
Արդյունաբերական քաղաքի տարածքում նա եղավ արդեն իսկ պաշտոնապես բացված սրբիչի գործարանում, որը ողջ թափով մտել է արտադրության մեջ՝ տալով ամսական գրեթե 150 տոննա արտադրանք՝ սիրիական ներդրման հայկական արդյունքը:
Շեյխին հատկապես տպավորել էր «Մուլտի սոլար» արևային էներգիայի կայանը, նա գտնում է, որ մեր երկիրը այլընտրաքային էներգետիկայի մեծ պոտենցիալ ունի:
Արդյունաբերությունից մինչև փոքր և միջին ձեռնարկատիրություն, արևային համակարգերից մինչև բնակարանաշինություն և տուրիզմ: Գագիկ Ծառուկյանի կողմից հովանավորվող ոլորտները աչքի են ընկնում ոչ միայն բովանդակային, այլ, որ ավելի կարևոր է, աշխարհագրական բազմազանությամբ:
Վերջում Սաբահ ընտանիքի ամենահայտնի անդամներից մեկը՝ Ալ Սաբահը, և Գագիկ Ծառուկյանը ընդգծեցին, որ եղբայրության վրա հիմնված վստահությունը օգտագործվելու է ի շահ Հայաստանի տնտեսության և հայ ժողովրդի բարեկամության: