Ներողություն եմ խնդրում, որ «Լույս» դաշինքն այլեւս չկա. Արամ Սարգսյան
«Հանրապետությունը» մասնակցելու է ԱԺ արտահերթ ընտրություններին` իր ծրագրերն ու գաղափարները իրականացնելու նպատակով: Այս մասին Facebook-ի իր էջում գրառում է կատարել «Հանրապետություն» կուսակցության նախագահ Արամ Սարգսյանը:
Նա, մասնավորապես, գրել է.
«Շնորհակալություն եմ հայտնում բոլոր նրանց, ովքեր հավատում էին «Լույս» դաշինքի առաքելությանն ու հաջողությանը: Ներողություն եմ խնդրում, որ դաշինքն այլեւս չկա։ Համոզված եղեք, որ մենք առանձին-առանձին էլ գործելու ենք ի շահ պետության ու ժողովրդի, եւ այս հարցում այլընտրանք չկա:
«Հանրապետությունը» մասնակցելու է ԱԺ արտահերթ ընտրություններին` իր ծրագրերն ու գաղափարները իրականացնելու նպատակով: Մնացածը առաջիկայում»:
Ավելի վաղ NEWS.am-ը հայտնել էր, որ «Հանրապետություն» կուսակցության ղեկավար Արամ Սարգսյանը չի համաձայնել արտահերթ խորհրդարանական ընտրություններին մասնակցել «Լուսավոր Հայաստան» կուսակցության ցուցակով։ «Հանրապետություն» կուսակցության անդամ Անի Խաչատրյանը NWES.am-ին հայտնել էր. «Առաջարկը, որ Արամ Սարգսյանը մասնակցի «Լուսավոր Հայաստան» կուսակցության ցուցակով, չընդունվեց: Մեր քննարկումները դաշինքով, թե կուսակցությամբ մասնակցելու շուրջ էր, եւ մենք համոզված ենք, որ 7 տոկոսը «Լույս» դաշինքի համար շատ քիչ է, մենք այն կհաղթահարենք եւ 7-ից շատ ավելի տոկոսներ կարող ենք հավաքել։ Ես համարում եմ, որ մենք երկրորդ ուժն էինք լինելու ապագա խորհրդարանում, երեւի թե «Լուսավոր Հայաստանը» մեզ հետ համաձայն չէր։ Մենք կողմնակից էինք, որ «Լույս» դաշինքով գնանք ընտրությունների, բայց Էդմոն Մարուքյանն էլ որոշեց իր ուժերը ստուգել եւ գնաց առանձին իր կուսակցությունով»: Նա նաեւ չէր բացառել, որ արտահերթ խորհրդարանական ընտրություններին կմասնակցեն այլ դաշինքով եւ արդեն բանակցում են որոշ ուժերի հետ:
Նշենք, որ արտահերթ խորհրդարանական ընտրությունները տեղի կունենան 2018 թ.-ի դեկտեմբերի 9-ին, նախընտրական քարոզարշավը կմեկնարկի նոյեմբերի 26-ից։ Կուսակցություններն ու կուսակցությունների դաշինքները կարող են իրենց հայտերը ներկայացնել մինչև նոյեմբերի 14-ը, ժամը 18։00-ն։ Դրանք ԿԸՀ-ն կգրանցի մինչև նոյեմբերի 19-ը, ժամը 18։00-ն։ Քարոզչության ժամանակահատվածը նոյեմբերի 26-ից դեկտեմբերի 7-ն է. Ընտրական օրենսգրքով սահմանվել է 12-օրյա ժամկետ:
Экологическая «революция» в Сюнике: как удалось избавить деревни от заботы о дровах? «Паст»
Газ подорожает, а сельхозпродукция станет дороже золота. «Паст»
Летняя жара, Ереван без воды и «священная» ценность рукопожатия с Макроном. Катастрофические провалы...
Вопрос об аресте Чалабяна дошел до Европейского парламента: «Паст»
Молдавские уроки: почему правительство Армении не уходит? «Паст»
Почему стало модно «отчитывать» оппозицию, и чего на самом деле ожидает общество? «Паст»
Нет мандата, «выданного народом»: «Паст»
Размик Марукян стал обладателем бронзовой медали XV Международного конкурса артистов балета
В ответ на правовую борьбу — политическая расправа и арест. «Паст»
Ucom представляет новый региональный пакет uMix 5000: 3 услуги всего за 5000 драмов в месяц
