Արտաշատի սահմանային ջոկատի պետ․ Իրանից Թուրքիա միգրանտներին տեղափոխելու մի քանի խողովակ կա
Արտաշատի սահմանապահ ջոկատի հատվածում թմրամիջոցների տեղափոխում չի հայտնաբերվել։ Այս մասին NEWS.am-ի թղթակցի հետ զրույցում ասաց Հայաստանի Հանրապետությունում Ռուսաստանի Դաշնության ԱԴԾ ՍՎ սահմանապահ ջոկատի պետ, գնդապետ Յուրի Ուրվանովը։
«Իրավիճակը բավական դինամիկ է, բարդ, սակայն, այնուամենայնիվ, կանխատեսելի»,- մեկնաբանեց սահմանապահ ջոկատի պետը։ Նրա խոսքերով՝ խախտումների թվի աճն առաջին հերթին կապված է Կենտրոնական Ասիայում եւ Մերձավոր Արեւելքում տեղի ունեցող գործընթացների հետ։ «Թուրքիայից միգրանտների «հոսքեր» են գնում, որոնց մի մասն այստեղ է ընկնում։ Գոյություն ունի խողովակ, որը ստեղծվել է Իրանից Թուրքիա անօրինական միգրանտներին տեղափոխելու համար։ Խողովակն անցնում է այն նեղ տեղանքի երկայնքով, որն անմիջականորեն կպած է սահմանային Արաքս գետին, եւ, որպես օրենք, պետական սահմանը խախտողներից ոմանք կորցնում են կողմնորոշումը եւ հայտնվում Հայաստանի տարածքում։ Միեւնույն ժամանակ, չի կարելի բացառել, որ առանձին մարդիկ, այնուամենայնիվ, հանրապետության տարածք ընկնելու մտադրություն են ունենում»,- նշեց գնդապետ Ուրվանովը։
Կալանավորումից հետո սահմանախախտը հանձնվում է համապատասխան մարմիններին, որոնք պարզում են սահմանն անօրինական անցնելու դրդապատճառները։ Արտաշատի սահմանապահ ջոկատի հատվածում 2018թ․ ընթացքում մոտ 20 սահմանախախտ է կալանավորվել։ «Դեպքեր, երբ սահմանը խախտողները չեն բռնվել, մեր կողմից չի գրանցվել, ինչը թույլ է տալիս եզրակացնել, որ սահմանի պահպանությունն այդ հատվածում կատարվում է ծավալվող իրավիճակին համապատասխան եւ թույլ է տալիս խոսել անվտանգության բավարար մակարդակի մասին, որ ապահովում են ռուսական սահմանապահները Հայաստանի Հանրապետության պետական սահմանին»,- ամփոփեց Յուրի Ուրվանովը։
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
