Աբովյանի 55 ամյակը և աբովյանցուն պատրաստված անակնկալը

Սոֆյա Ասատրյանը ֆեյսբուքյան իր էջում  գրում է.

Սույն թվականի հոկտեմբերի 21-ին նշվեց ՀՀ մայրաքաղաք Երևանի 2800 ամյակը, ինչը չափազանց կարևոր իրադարձություն է ցանկացած հայի կյանքում: Հաջորդ օրը ՝ հոկտեմբերի 22-ին Երևանի հոբելյանին հաջորդեց ոչ պակաս կարևոր քաղաք ՝ Աբովյանի 55 ամյակը:
Թեև Աբովյան քաղաքը այս տարի դառնում է 55 տարեկան, բայց դա չի նշանակում, որ ընդամենը 55 տարի առաջ է այն դարձել բնակավայր: Աբովյան քաղաքը բնակավայր է եղել, դեռ հնագույն ժամանակներից, ավելին ՝ այստեղ հայտնաբերվել է Արգիշտի Առաջինի կողմից թողված սեպագիր արձանագրություններ, 2-րդ հազարամյակի ամրոց, բնակատեղի , դամբարաններ: Մինչ 1961 թվականը կոչվել է Էլար, ապա վերանվանվել ի պատիվ հայ մեծագույն գրող Խաչատուր Աբովյանի, իսկ 2 տարի անց ՝ 1963 թվականին հռչակվել քաղաք:
ԵՎ այսօր ՝ քաղաք հռչակվելուց 55 տարի անց Աբովյանում իսկական տոնակատարություն է: Քաղաքի ամբողջ բնակչությունը միասին նշում է հոբելյանը, կազմակերպում տարատեսակ միջոցառումներ և ուղղակի ուրախանում: Ուրախ օրվա գլխավոր հյուրերից է ԲՀԿ նախագահ Գագիկ Ծառուկյանը, ով հանդիսանում է Աբովյան քաղաքի պատվավոր քաղաքացի:
Ծառուկյանի գալուստը բավականին ջերմ է ընդունվում քաղաքացիների կողմից: Սկզբում նա զրուցում է դպրոցների և մանկապարտեզների տնօրենների հետ, ծանոթանում նրանց առօրյա խնդիրներին և խոստանում լուծում տալ:
Քաղաքում զբոսնելուց հետո Ծառուկյանը մասնակցեց Սուրբ Հովհաննես Մկրտիչ եղեկեցում Կոտայքի թեմի առաջնորդ տեր Առաքել եպիսկոպոս Քարամյանի կողմից անցկացվող օրհնության կարգին: Հիշեցնենք, որ Սուրբ Հովհաննես Մկրտիչ եկեղեցին,որը հանդիսանում է Աբովյանի այցեքարտը, կառուցվել է Ծառուկյանի կողմից և հանդիսանում է նրա ամենամեծ նվերն աբովյանցիներին:Պատարագի ավարտից հետո բոլորով շարժվեցին դեպի միջոցառման կենտրոն, որտեղ Կոտայքի մարզպետն ու Աբովյանի քաղաքապետը իրենց յուրահատուկ շնորհակալությունը հայտնեցին Գագիկ Ծառուկյանին աբովյանցու կողքին կանգնելու և միշտ օժանդակելու համար:
Ծառուկյանը իր հերթին նույնպես նվեր էր պատրաստել Աբովյանին և աբովյանցուն: Նա անակնկալի կերպով հայտարարեց բնակելի շենքերի կառուցման մասին (40,000քմ), որոնց գինը կլինի քմ-ի համար 350 դոլլար, կամ էլ ամսական 65000 դրամ վճարելով 8-10 տարի ժամկետով: Սա չլսված գին է, և ի շնորհիվ Ծառուկյանի դա իրականանալու է : Ինչևէ Ծառուկյանը ևս մեկ անգամ ապացուցում է , որ մենք ապրում ենք Նոր Հայաստանում, և շուտով ցանկակած հայի ընտանիքում լինելու է թռիչք դեպի վեր: