Կառավարությունն անգամ գործող ԸՕ-ով ընտրությունների անցկացման դեպքում պատրաստ է ապահովել դրանց նկատմամբ մաքսիմալ վստահություն. Արտակ Զեյնալյան
ՀՀ կառավարությունը նույնիսկ գործող ընտրական օրենսգրքով պատրաստ է անցկացնել խորհրդարանական այնպիսի ընտրություններ, որոնց նկատմամբ վստահությունը կլինի մաքսիմալ: «Արմենպրես»-ի հաղորդմամբ`ԱԺ-ում Ընտրական օրենսգրքի առաջին ընթերցմանը կառավարության այս հանձնառությունը վերահաստատեց ՀՀ արդարադատության նախարարի պաշտոնակատար Արտակ Զեյնալյանը:
ԱԺ փոխխոսնակ Միքայել Մելքումյանը հետաքրքրվեց ՝գործող Ընտրական օրենսգրքի մնալու դեպքում իշխանության որակը հնարավոր է արդյոք տուժի:
«Ես վերահաստատում եմ կառավարության հանձնառությունը՝ գործող ընտրական օրենսգրքով անցկացնել այնպիսի ընտրություններ, որոնց նկատմամբ հանրության վստահությունը կլինի մաքսիմալ: Սակայն կառավարությունը շահագրգռված է, որ արտահերթ ընտրություններն անցկացվեն համամասնական ընտրակարգով»,-ասաց Զեյնալյանը:
Նա նկատեց՝ առաջարկվող նախագիծն ավելի նպաստավոր է ընտրական ինստիտուտների նկատմամբ հավատի ձևավորման տեսակետից: Սակայն փոփոխությունների չընդունվելու դեպքում անգամ կառավարությունը հանձնառու է գործող օրենսգրքով անցկացնել այնպիսի ընտրություններ, որոնց նկատմամբ այդ պայմաններում հնարավոր կլինի ապահովել առավելագույն վստահություն: Զեյնալյանը նկատեց՝ այդպես անցկացվեցին նաև Երևանի ավագանու ընտրությունները, որոնց նկատմամբ վստահության ռեսուրսն ավելի բարձր էր, քան նախորդ ընտրությունների ժամանակ:
«Ծառուկյան» խմբակցության անդամ Միքայել Մելքումյանը նշեց՝ իրենք ևս միանշանակ կողմ են համամասնական ընտրակարգին, դրանից բխող լուծումներին և կարգավորումներին:
ՀՀ կառավարությունը հոկտեմբերի 16-ի նիստում հավանություն էր տվել Ընտրական օրենսգրքի բարեփոխումների փաթեթին: Այնուհետև ՀՀ փոխվարչապետի պաշտոնակատար Արարատ Միրզոյանը, ՀՀ արդարադատության նախարարի պաշտոնակատար Արտակ Զեյնալյանը փաթեթի վերաբերյալ քննարկումները շարունակել են ԱԺ խմբակցությունների հետ, լսել նրանց առաջարկները: ԱԺ պետաիրավական և մարդու իրավունքների պաշտպանության հարցերի մշտական հանձնաժողովը հոկտեմբերի 19-ին հավանություն էր տվել Ընտրական օրենսգրքում և հարակից նախագծերի փաթեթում փոփոխությունների նախագծին: Դրանից հետո Վենետիկի հանձնաժողովը ևս հայտարարություն էր ընդունել ՀՀ ընտրական օրենսգրքի նախագծերի վերաբերյալ: Դրանում, մասնավորապես նշվել էր, որ առաջարկվող փոփոխությունները լեգիտիմ նպատակներ են հետապնդում և հիմնականում դրական են: Ընտրական օրենսգրքի առաջարկվող բարեփոխումներով ռեյտինգային ընտրակարգից անցում է կատարվում համամասնական ընտրակարգի, խորհրդարանի անցողիկ շեմը նվազեցվում է մեկ տոկոսով, կրճատվում է ընտրական գրավը: Ընտրությունների արդյունքում խորհրդարան կանցնեն չորս քաղաքական ուժեր:
Экологическая «революция» в Сюнике: как удалось избавить деревни от заботы о дровах? «Паст»
Газ подорожает, а сельхозпродукция станет дороже золота. «Паст»
Летняя жара, Ереван без воды и «священная» ценность рукопожатия с Макроном. Катастрофические провалы...
Вопрос об аресте Чалабяна дошел до Европейского парламента: «Паст»
Молдавские уроки: почему правительство Армении не уходит? «Паст»
Почему стало модно «отчитывать» оппозицию, и чего на самом деле ожидает общество? «Паст»
Нет мандата, «выданного народом»: «Паст»
Размик Марукян стал обладателем бронзовой медали XV Международного конкурса артистов балета
В ответ на правовую борьбу — политическая расправа и арест. «Паст»
Ucom представляет новый региональный пакет uMix 5000: 3 услуги всего за 5000 драмов в месяц
