Դպրոցների օպտիմալացումը հակասել է օրենքներին ու միջազգային պարտավորություններին
Պարզվում է, որ նախորդ կառավարության ժամանակ իրականացված՝ դպրոցների օպտիմալացման գործընթացը ՀՀ օրենսդրության, ՀՀ միջազգային պարտավորությունների ու ընդունված սկզբունքների խախտումների էական ռիսկեր է պարունակել: Հատկապես գյուղական դպրոցների վերակազմակերպման պարագայում լուրջ խոչընդոտներ են առաջացել «Կրթության մասին» ՀՀ օրենքի 5–րդ հոդվածի և 2–րդ մասի դրույթների իրագործման առումով: Մեր տեղեկություններով, նման եզրահանգման են եկել որոշ մասնագիտական կազմակերպություններ՝ իրականացնելով կրթական համակարգի հետազոտություններ: Օպտիմալացման գործընթացը հակասության մեջ է եղել նաև ՀՀ կրթության զարգացման 2011–2015թթ. պետական ծրագրի դրույթների հետ, որոնցով նախատեսված էր մինչև 2015թ. բոլոր մակարդակներում բարձրացնել կրթության մատչելիությունը, ստեղծել հավասար հնարավորություններ, որ յուրաքանչյուրը ստանա առավել որակյալ կրթություն:
Ինչ վերաբերում է ՀՀ միջազգային պարտավորությունների կատարմանը, ապա Կրթության բնագավառում խտրականության դեմ կոնվենցիայի առաջին հոդվածի համաձայն, արգելվում է որևէ անձի կամ անձանց խմբի՝ ցանկացած տեսակի կամ մակարդակով կրթություն ստանալու հնարավորությունից զրկելը և կրթությունը ցածր ստանդարտով սահմանափակելը:
Փորձագետների կարծիքով՝ գյուղական դպրոցների վերակազմակերպումը սահմանափակել է գյուղաբնակ երեխաների կրթություն ստանալու հնարավորությունները: Բացի այդ՝ նրանց համար կրթության կազմակերպման ավելի ցածր ստանդարտներ է նախատեսել, մասնավորապես կրթության միջավայրի, ենթակառուցվածքների և այլ պայմանների առումով:
oragir.info-ի տեղեկություններով, իշխանափոխությունից հետո ոլորտի պատասխանատուները քայլեր են ձեռնարկում այս խախտումները վերականգնելու համար, և չի բացառվում, որ անգամ՝ երեխաներից վերցվածը երեխաներին հետ վերադարձնելու դժվարին, բայց էական որոշում կայացվի:
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
